Joon 7:26 - ŊWÀʼ NYÙY

²⁶ a wù súŋnin e wírí si tèéter, la wìr yòʼ a ghay a kinyo. A tàm ghan símóʼ sí, bo vé wòŋe sí yén ji dzə̀ rú Mfə̀ə́r wo Nyùy‑iì kàʼàn.

Joon 7:26 Referans Kwoze

Joon 7:48

Vèn yén ne, a wìr fo vé wòŋe kìn woó mbìv *Farasi wùmòʼ tíy e wùn kinyò a?

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

Lim Aŋgàa Ntum 4:13

Vé saʼa yú, a Pita wùn Joon bínér vinyo tèéter, là fan, e kfə̀n yèn ji dzə̀ wíri fó tèr, a bó á yoʼ yèʼéy ŋwàʼ e ŋàŋ, sí yéví sə́n. Á nèn səə̀m ji kí dzə̀ bey, bì fo vé‑eè ghán a wùn à Jesus.

Joon 12:42

Mo wíri fə̀m‑eè méŋ Jesus, ámóʼó ku yòʼ a way shilív é wùn wó, à vé wòŋ ámóʼó anín. Yii bèy, a bó yòʼ‑oò dzə̀ wìr wàa dìn e ŋgèŋgèr, bìʼ fo vé‑eè fan wír veé mbìv *Farasi, kfə̀n fan fo á jum áwune fó kintatì keé ŋgày se bùnrì.

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Ŋwàʼ Luk 7:30

Yii bèy, wír veé mbìv *Farasi wùn à wír ve á yii duŋrì nsər Nyùyi nèn tèn kév kinyo ke Nyùy sìysìn kin ténén, bìʼ fo vé‑eè tenen sá fo Joon wáy áwune é ndzəv.

Matio 22:16

Á nèn tùm wír vév wùn à wír Fòn Heror ámóʼó ji á du, a woóy a wun. Á dù, e yòŋ jii, «Ŋgaà Yèʼey, vèr kì jii, à kù yii suuy a dzə̀ kinyo ke ru kí, aà kfə̀n yéʼey wíri kinyo ke Nyùy réŋréŋ mo kí dzəə̀n, e làa yòʼ a leéy sí wìr, kìn ŋgaàŋ dzə̀ la.

Aysaya 42:4

Wù yòʼ wíy a weèy, a màʼ wún, kù bey, e meé mo wù wíy tuúy sáʼ yee réŋ é kitu ke nsay, a vitúm veé ndzəywoŋ vi kù sí shiy ji á yú yéʼéy a dzə̀ rə́.»

Ŋgàn 28:1

Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.

Ŋwàʼ Luk 23:13

Á siìr Jesus, Payler nèn kùm vitú ve atàá cù wùn aàtǎr wòŋe, e kfə̀n kùm wíri.

Joon 3:1

Wìr wùmòʼ wáa dzə e Jerusalem foo fèy, aá yoŋ ji Nikudemon, a dzə̀ wír fo atǎr wòŋ veé Juda, e kfə̀n a dzə wír woó mbìv *Farasi.

Joon 4:29

«Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Joon 7:25

Jesus wáa suŋnín bèy, wír veé Jerusalem foo fèy ámóʼó wáa ghaynín jii, «Wìr wo á taʼ ji á yuyrí və̀ne lèn,

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 18:20

Jesus nèn bìnèr jii, «Mò‑oò fiʼtì kinyo kém e wìr dzə̀m a dzə̀ fó meranén. Mò‑oò rə́si yéʼey wíri é ŋgày se bùnrì, kfə̀n yéʼey e *lav cù fo wír veé Judàa‑aà báʼti adzə̀m. A bó m yòʼ‑oò yéʼey wíri, ghán, woóne woònén.