Joon 7:19 - ŊWÀʼ NYÙY

¹⁹ Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»

Joon 7:19 Referans Kwoze

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Joon 11:53

Kèʼ fo kishiíy fóo fèy, vé wòŋe nèn a shweʼ mo dzə̀ á yiì, e bóo yuyrí Jesus,

Joon 7:1

Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.

Matio 12:14

Kí gháʼ wír veé Farasi vìy, á nèn fəə̀, e dù, a taŋ mo dzə̀ áwune ghàn, e bóo yuyrí Jesus.

Galatia 6:13

A bó wír ve á biíme ji á wáa naŋsín áwune víne yòʼ fə̀m lem sa nsər se wìr veé Juda sidzə̀m. Áwune səŋrì ven cáʼcáʼ ji vèn biímé, aá náŋsín sá ven, aá fíʼ a sùmrì wún ji vèn kfə̀n ne aáwuné mbìv.

Remrí 33:4

A kù dzə̀ yéʼéy ye Mooser‑iì fó e vèr wùn à nsər si, a dzə̀ vitsə́ʼ vé Isray ve ví shaàn bùʼ e dzə̀m.

Remrí 1:17

Aá kú a tinén nsaʼ si là kiloʼ, a lì ghéʼncey wùn wìr wo kuʼùn réŋréŋ, e làa yòʼ a fàn sí wìr, bìʼ fo kinyo ke áwune tínen ki dzə̀ ji tínen a Nyùy. Nsaʼ tiŋè, á lì, e wìy, e beè mo shó, é m bin fó fo.

Galatia 3:19

Mo kí‑iì siìn bey, bo Nyùy‑iì dzəsì nsər bìʼ ka lèn? Wù‑uù fó ji wìr jáy kinyo, é wù fiʼ kìíy a ji wun jày ne, é nsər yee shooy wáa dànèr wíri, e meé e ghan se wan woo Abraham ram və̀y wíy wìy. A dzə̀ wun wo Nyùy‑iì wayin ŋkàʼmé woo shooy e wùn kiwo. Nyùy nèn lòo dzə̀sì nsər, e tùm a dzə̀ nshèelav sə́ shó, sí wìy, e wày e taà dzəə̀ wùmǒʼ kiwo.

Lim Aŋgàa Ntum 7:38

A kù kfə̀n dzə̀ wun woo Mooser wo wù‑uù suŋnin wùn nshìylav Nyùy e Gwan Sinay e ghan se wùn aàtǎr ram yesəné‑eè baʼtin é woʼ yee fó, yì fó nsər se Nyùy sho ji wù fó e vèsən.

Joon 10:39

Wír vìyi nèn kfə̀n tò ji á bámé, wù nèn bìn, la á yòʼ dzəə yèn.

Joon 7:25

Jesus wáa suŋnín bèy, wír veé Jerusalem foo fèy ámóʼó wáa ghaynín jii, «Wìr wo á taʼ ji á yuyrí və̀ne lèn,

Joon 5:45

Lá vèn yòʼ a kwàʼtì ji m suuy bèn ji m fíʼ lì ajay vén, a bi Tàr wor shó. Wìr wo wù sí bí ajay vén vee shooy dzə̀ Mooser wo vèn wayin vifií é wùn wó.

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

Joon 5:16

Mo Jesus‑eè yiìn kinyo kìn a dzə̀ é kishiíy ké bam, vé wòŋe nèn kèʼ, a ròn wúu rə́.

Maak 3:6

Kí gháʼ wír veé mbìv *Farasi, á ku nèn fəə̀ fó ŋgày bùnrì foo fèy, e dù, a kar menàŋ wùn à wír Fòn Herori mo dzə̀ á yiì, e bóo yuyrí Jesus.

Maak 3:4

Wù kóʼtí, Jesus dzə́r e wíri jii, «Kinyo ke nsər biíme ji wìr yii é kishiíy ké bam ki dzə̀ kiné kí? Ji wù yii kinyo ke juŋ ki moo ke bi kí á? Ji wù luŋer wír, mo wù yúyrí yuyrín á?» Áwune nèn gòʼ kisə́sə.

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Maak 11:18

Vitú ve atàá cù wùn à wír ve vé‑eè duŋrì nsər Nyùyi yú kinyo kìy, e nèn a tàʼ dzə́ə ye dzə̀ á yùy Jesus sho. A vé‑eè fan fo wù səŋri wíri adzə̀m, bìʼ fo wìr dzə̀m‑eè sí yuúri yéʼéy rə́, kér gháʼ.