Joon 7:17 - ŊWÀʼ NYÙY

¹⁷ A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Joon 7:17 Referans Kwoze

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Lim Aŋgàa Ntum 17:11

Wír veé Juda vee fóo wáa dzə wír, aá yii kwaʼtì kinyo, e shaà veé Tesalonika. Á nèn a ker shií fó a yuurí kinyo ke Por wùn Silar. Lóo yuurí, á wàa yòŋ Ŋwàʼ Nyùy vishiíy vidzə̀m, a leéy fo fo ji kinyo ke áwune suuy ki sà kù yòʼ dzə̀ réŋ á?

Daniel 12:10

Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Nsùyrì Nyùy 25:12

Wìr wo wù yúnin Nyùy Tàr bèé? Nyùy Tàr kù yíi tir wun mo wù wáa tiír kiwúu kfə́.

Mayka 4:2

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri a dzə̀ fó Jerusalem foo fèy.

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Nsùyrì Nyùy 25:14

Nyùy Tàr koó viŋkar wùn à wír ve á ghvə́m wune, yii, aá kiiy mensaŋ mvə.

Nsùyrì Nyùy 119:10

M diy ji m wáa yunín wò shilív shém shidzə̀m, kú a shìy mo fo m jáy dzə́ə, e bìvír nsər sé.

Matio 6:22

«Sí wìri dzə̀ kikaʼày ke kí fó rán e wìr. Sí wìri lóo dzə, a yí rán e mbòŋ, bo dzəʼə̀m rəə́ yíi a ran ranén e dzə̀m, a wù kér wó rə́ tèéter.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Ŋgàn 3:32

Wìr liì kisaŋ yii kóʼoy fo Nyùy Tàr. Yii bèy, wìr woo tìítiy dzə̀ wo vifií və́ ví yii tíy sho.

Ŋgàn 28:5

Wír ve bií yòʼ yii kiiy kinyo kee tínén é nsànloŋ, yii bèy, a wír ve á ghvə́m Nyùy Tàrí kì kee shooy feyì kidzə̀m.

Joon 3:21

Yii bèy, a wìr wo wù yii kfə́ a dzə̀ vinyo ve ru ví nèn fəə́sin fo rán yee shooyi dzəə̀n, aá fíʼ a yen ji vinyo ve wun yii vi dzə̀, a ví lò a dzə̀ fo Nyùy.»

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.