Joon 7:16 - ŊWÀʼ NYÙY

¹⁶ Jesus lò, e sùúy jii, «Kinyo ke m yéʼey kìn ki yòʼ lò fo mò, dzə̀ ké ŋgaà wo wù tumen mo.

Joon 7:16 Referans Kwoze

Joon 14:24

Wìr wo wù yòʼ koŋ mo, yòʼ lem kinyo kém. A bó kinyo ke vèn yú fo mò kí yòʼ fə̀m dzə̀ kém. Dzə̀ ké Tàr wor wo wù tumen mo.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Joon 5:30

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Joon 17:14

M tiìsí ne jí sé aáwune, wír veé ndzə fène nén a bàn áwune, bìʼ fo áwune yòʼ dzəə̀n wír veé ndzə fèn, réŋréŋ mo bó m yòʼ dzəə̀n sá wír woó ndzə fèn.

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 3:11

Kú a kiíy rú jii, vèr súŋnin vinyo vìn a dzə̀ ve wíri kiìn mo ví dzəə̀n, kfə̀n fer ve á yén mo ví kooyì, a bó ven vee aŋgàa yeʼéyi yòʼ biíme kinyo ke vèr fiʼtì.

Joon 6:44

Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

Joon 3:31

Wìr wo wù loòn a dzə̀ fó yuv, shaà wir dzə̀m. Wìr wo wù loòn kfə́ a dzə̀ fó nsay fèn, kú a dzə ji wír woó nsay, nèn fer sa a dzə̀ vinyo veé nsay. Mo wìr wo wù loòn fó yuv shaàn wir dzə̀m,

Ŋgaà Yen 1:1

Kinyo ke kí dzəə̀n é ŋwàʼ fèn ki dzə̀ ke Nyùy‑iì ghemrin ndzə e Jesus Kristu ji wù din e wír vəə́ mo vinyo vi yíi rəʼtí, a koóy. Kristu nèn tùm nshìylav rə, yì wìy, e yèn Joon woo ŋgaà lìm və, e dìn vinyo vee shooy sho.

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.