Joon 7:14 - ŊWÀʼ NYÙY

¹⁴ Vishiíy vé kiŋkàʼ vi jàv e ntìntìn, Jesus nèn nə̀ə́ e *lav cù, a yeʼéy wíri.

Joon 7:14 Referans Kwoze

Joon 7:28

A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Ŋwàʼ Luk 19:47

Jesus ku nèn a yeʼéy wíri é lav cù fèy vishiíy vidzə̀m. Vitú ve atàá cù wùn à wír ve vé‑eè duŋrì nsər Nyùy, à vé wòŋe wáa woóy ji á yúyrí á wun.

Joon 18:20

Jesus nèn bìnèr jii, «Mò‑oò fiʼtì kinyo kém e wìr dzə̀m a dzə̀ fó meranén. Mò‑oò rə́si yéʼey wíri é ŋgày se bùnrì, kfə̀n yéʼey e *lav cù fo wír veé Judàa‑aà báʼti adzə̀m. A bó m yòʼ‑oò yéʼey wíri, ghán, woóne woònén.

Joon 8:2

Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

Joon 7:37

Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.

Joon 7:2

Ghán sí nèn wìy ghèén, a dzə̀ se wír veé Judàa yii kér *kiŋkàʼ ke á yoŋ ji ké tàv sé ghan,

Joon 5:14

Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?

Matio 21:12

Jesus dù bèy, e tòsín, e dù e lav ye á cu Nyùy sho, a jùm vé wayí fó fo adzə̀m, kìn dzə̀ ve vé‑eè fiinè, kìn ve vé‑eè yún yunén, a bàʼtì visə́r ve wìr ve vé‑eè kúvsin mbàm, yí séʼ, e kfə̀n a bvəə́r antaʼ wìr ve vé‑eè fiinè vibìŋ.

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Kintaŋ 29:17

«E kishiíy ke kí meen ji baà, vèn yiì cu aànàʼ vee vilume nshòv sibaà e ghvə̀m, e yiì e viyáʼ vi vibaà, e yiì e wón viyaʼ vee kiyá kiyáa nshòv sikweè e ghvə̀m. Nyám sìn sidzə̀m si kú a dzə see là nsem.

Kintaŋ 29:20

«E kishiíy ke kí meen ji taár, vèn yiì cu aànàʼ vee vilume nshòv mòʼón e ghvə̀m, e yiì e viyáʼ vi vibaà, e yiì e wón viyaʼ vee kiyá kiyáa nshòv sikweè e ghvə̀m. Nyám sìn sidzə̀m si kú a dzə see là nsem.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.