Joon 6:71 - ŊWÀʼ NYÙY

⁷¹ A wù‑uù suuy kinyo kìn a dzə̀ e Judar woo wan Simon Iskariyor kitu. A dzə̀ wír fo vee nshòv sibaà e ghvə̀m vìyi wo wù‑uù wíy kar menàŋ e wùn bàm.

Joon 6:71 Referans Kwoze

Ŋwàʼ Jud 1:4

A m suuy bèn, bìʼ fo wír ve á méŋ Nyùy ámóʼó woonen ne, e nə̀ə́ e věn kintatì, a yeʼéy kév wíri jii, mo Nyùy bùʼùn ne ven, e lì ji wír və́, vèn bóy fó lòn, a dzə̀ vèn wàa yiì lèn a mo mensə́ men mè taʼà. Aá suuy bèy, nèn káy Jesus Kristu wo kù jòʼsìn wun ji Taàtá wòsən wo dzə̀ á wàa yu fo fo. A Nyùy‑iì yiì ne dìn lòn wo wù wíy màʼ e wír vee bené kitu.

Lim Aŋgàa Ntum 2:23

Jesus və̀n dzə̀ wo vèn‑eè yuyrin e fó ye vèn‑eè foon e wír ve bií, á tá é kici. A kù‑uù sìysì Nyùy fo ŋgùʼ, kí wáa koóy, a wù kiíy ne.

Joon 13:26

Jesus bìnèr jii, «Wír wo m yíi sə̀ʼ nshèv é kiban, e fo sho, dzə̀ ŋgaàŋ.» Wù nèn sə̀ʼ, e fò a dzə̀ e Judar wo dzəə̀n wan Simon Iskariyor.

Nsùyrì Nyùy 41:9

Fə̀m ŋkar yem tìm kù shòʼ ne sa e mǒ bàm, ŋkar yem ye mò‑oò wayin shilív é wùn wó feyì, a vèr wun‑eè yíkir kighín kimòʼón.

Matio 10:2

A yír sé aŋgàa ntum vee nshòv sibaà e ghvə̀m vìne dzə̀ jii, wo mbìy dzə̀ Simon wo á kfə̀n yoŋ ji Pita. Wùmòʼ ji Andru woo fər Pita. Ámóʼó Jeem wùn Joon vee wón Sebedi,

Matio 10:4

Simon woo ntom wòŋ wùn Judar Iskariyor wo wù‑uù loòn, e kàr menàŋ e Jesus bàm.

Maak 14:10

Judar Iskariyor wo yì‑iì dzəə̀n wír wùmòʼ fo wón lìm Jesus vee nshòv sibaà e ghvə̀me nèn dù, e yèn vitú ve atàá cù ji wùn áwune kúr menàŋ, e koò á Jesus.

Joon 2:2

a vé‑eè bì sá Jesus wùn à wón və́ lìme.

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 12:4

Judar Iskariyor woo wan lìm Jesus wùmòʼ‑oò dzə̀ sá fo, a dzə̀ wun wo wù‑uù wíy lò, e kar menàŋ me Jesus. Wù nèn sàyín jii,

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Joon 20:24

Wáa dzə e ghan se Jesus‑eè wìyìn, e yèn wón və́ lìm sìn, a bó Tomar wo vé‑eè yoŋ yír yímóʼó ji Wóné yòʼ kì dzə̀ fó. A dzə̀ sá wír fo vee nshòv sibaà e ghvə̀m vìyi.