Joon 6:70 - ŊWÀʼ NYÙY

⁷⁰ Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 6:70 Referans Kwoze

Joon 13:27

Mo Judar səən kibán kìy, Satan ku nèn nə̀ə́ e wùn shiliv. Jesus suúy e Judar jii, «Dù ri cér, e yiì kinyo ke à kér fó yiì ki.»

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

1 Timoti 3:11

A dzə̀ vikìy véví kù a ker sa liì wo juŋ, a lò ji weè, e làa yòʼ a dzə vé viduu, é wáa dzə wír ve dzə̀ á yiì kinyo là kiloʼ.

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Joon 13:21

Mo Jesus suuyin vinyo vìn, shilív sə́ shí lùm, wù nèn tòʼ lèn kiránén jii, «Vèn wáa kiíy rúrú jii, kù dzə̀ wír fo vèn vin wo wù yíi way mo áàŋgaà vém vibàné wo.»

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Titur 2:3

Kù dzə̀ sá mo à wáa tir vikìy vee aránsisi ji á wáa ker a liì a dzə̀ wo vikìy ve á yú fo Nyùy, e làa yòʼ a duu viduú, e làa yòʼ a fo kitú e meluʼ mè. Áwune wáa dìn a dzə̀ á liì wo juŋ,

Lim Aŋgàa Ntum 13:10

e sùúy sho jii, «À dzə̀ wan Satan. À ban vinyo ve juŋ vi vidzə̀m, bóʼti wíri, yii vinyo ve bi ví. Bó yòʼ dzə̀ à yàr fó a bìnèr kinyo ke Nyùy ke ru kí ji kimboʼtì à?

Joon 2:2

a vé‑eè bì sá Jesus wùn à wón və́ lìme.

Joon 6:67

Jesus lò, e dzə̀r sá e wón və́ lìm vee nshòv sibàá jii, «Vèn taʼ, a dù sa mo vísəə du à?»

Joon 6:71

A wù‑uù suuy kinyo kìn a dzə̀ e Judar woo wan Simon Iskariyor kitu. A dzə̀ wír fo vee nshòv sibaà e ghvə̀m vìyi wo wù‑uù wíy kar menàŋ e wùn bàm.

Joon 20:24

Wáa dzə e ghan se Jesus‑eè wìyìn, e yèn wón və́ lìm sìn, a bó Tomar wo vé‑eè yoŋ yír yímóʼó ji Wóné yòʼ kì dzə̀ fó. A dzə̀ sá wír fo vee nshòv sibaà e ghvə̀m vìyi.