Joon 6:68 - ŊWÀʼ NYÙY

⁶⁸ Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Joon 6:68 Referans Kwoze

Nsùyrì Nyùy 73:25

Nyùy Tàr, m kfə̀n kér la é yuv, e shaà wò? M yòʼ siíme kifá kímóʼ kí é nsay, e kfə̀n shaà wò.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

Lim Aŋgàa Ntum 5:20

«Vèn du é lav cù, a fìʼtì dzəʼə̀m ye fíy rə̀ne e wíri.»

Lim Aŋgàa Ntum 7:38

A kù kfə̀n dzə̀ wun woo Mooser wo wù‑uù suŋnin wùn nshìylav Nyùy e Gwan Sinay e ghan se wùn aàtǎr ram yesəné‑eè baʼtin é woʼ yee fó, yì fó nsər se Nyùy sho ji wù fó e vèsən.

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Maak 8:29

Wù nèn dzə̀r aáwune jii, «Vèn yoŋ kén ji m dzə̀ la?» Pita bìnèr jii, «À dzə̀ Mfə̀ə́r wo Nyùy‑iì kàʼàn.»

Ŋwàʼ Luk 9:20

Wù nèn dzə̀r jii, «Vèn wáa yòŋ kén ji m dzə̀ la?» Pita bìnèr jii, «À dzə̀ Mfə̀ə́r wo Nyùy‑iì kàʼàn.»

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

Joon 12:50

A m kì ji ntum ye wù tumen mo shó rə̀n dzə̀ ye yì fó dzəʼə̀m yee là may. M nén a fìʼtì kinyo ke m fiʼtì kidzə̀m a dzə̀ kíwun ke Tàr wor tumen mo shó.»

Lim Aŋgàa Ntum 13:26

Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.

Lim Aŋgàa Ntum 8:37

Filiv bìnèr jii, «Aà fèn wày ne shilív shé shidzə̀m e Jesus wùn, bo dzə̀ m wày wò e ndzəv.» Wù bìnèr jii, «M biìmé ne ji Jesus dzə̀ á Wan Nyùy.»]