Joon 6:53 - ŊWÀʼ NYÙY

⁵³ Jesus suúy jii, «Vèn wáa kiíy rúrú jii, a vèn dzə̀ là fóo yi wún ŋgaà wo yírí dzəə̀n *Wanwìr, e kfə̀n no sa mensə́ mvə, bo bó á yòʼ kér a dzəʼə̀m gheéy shishàr.

Joon 6:53 Referans Kwoze

1 Joon 5:12

Kí nén a dzə jii, wìr wo wù táti wùn Wàn Nyùy sí kér dzəʼə̀m yee shoon, a bó yòʼ dzə̀ wír wo wù tén fó tatí wàa ker gheéy.

Joon 6:55

Wún wómé dzə̀ vifá ve yi ve ru ví, a mensə́ mem mè dzə̀ nó yee rú.

Joon 15:4

Vèn kú a tiy a dzə̀ e mǒ wùn, é m nèn a tiy sa vèsən. Mo bó yòʼ dzə̀ tám kifa wú kòóm, a bó wú jáv a dzə̀ fó kitiír, dzə̀ réŋréŋ sá mo bó yòʼ dzə̀ vèn wàa yiì kinyo ke ru kí, a bó vèn yòʼ tíy e mǒ wùn.

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Matio 18:3

e sùúy jii, «M suuy kinyo ke ru kí e vèn jii, a vèn dzə̀ là fó kuvsín, e kfən moo wón ve terií, bo bó yòʼ dzə̀ féyì vèn wìy nə̀ə́ e vijùŋ ve dzəə̀n vé saʼ Nyùy.

Joon 3:5

Jesus bìnèr jii, «Kinyo ke m suuy kìn ki dzə̀ ke ru kí. Aá dzə̀ là fó dzəə́ wír fo mendzə̀v, é Kiyoy ke Nyùy ki kfən dzə̀ə́ ŋgaàŋ, bo bó yòʼ dzə̀ ŋgaàŋ nə̀ə́ e Nyùy mvə̀m saʼ.

Ŋwàʼ Luk 13:5

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

Ŋwàʼ Luk 13:3

Bó yòʼ dzə̀ bey. A m suuy e vèn jii, a vèn dzə̀ là fó bìnèr melív men, bo vèn kù wíy lày sa bèy adzə̀m.

Joon 13:8

Pita ku nèn a shaʼnín jii, «Bó yòʼ dzə̀ féyì, à sù wuú yém.» Jesus suúy jii, «Aà dzə̀ là fó biimé ji m su wò, bo bó yòʼ dzə̀ à wàa dzə wír wom.»

Matio 5:18

Vèn wáa kiíy rú jii, kèʼ mo yúv wùn à nsay wíy a dzə sho, e dù, e meé e ghan se ndzə wíy mày, bó yòʼ dzə̀ shinyorìn she nsər rə̀n dinè, a shí fə̀m dòr moó le, shí wìy tùm fó nsay, a bó kí yoʼ ghèén mo yì suuyì.

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Joon 6:62

Bo ŋgaàŋ wo yírí dzəə̀n *Wanwìr wíy kfən fo wù‑uù wìyìn, é vèn yée le?