Joon 6:51 - ŊWÀʼ NYÙY

⁵¹ Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Joon 6:51 Referans Kwoze

Ŋwàʼ Luk 22:19

Wù kfən lì sa ntuʼ kiban, e beèrì Nyùy, e bèʼtí, e jàv aáwune, e sùúy jii, «Kin ki dzə̀ wún wóm [wo m fó bìʼ ven. Vèn wíy siiy, vèn wàa yiì bèn, a kuumé mo.»

Joon 6:33

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Joon 3:13

Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Hibru 10:20

Jesus‑eè tiìné ne ndzə̀y se sí‑iì ràŋèn kikìkìŋ ke Nyùy kìn, e mvə̀ʼ dzə́ə lèn, vèsən tósín, e dù yèn Nyùy, e lùŋ. A raŋ ye Jesus‑eè tiinen rə́ne dzə̀ wún və́ wo wù‑uù foon, e kpù fo vèsən.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

1 Pita 2:4

Vèn wáa koʼtí rì a dzə̀ e wùn ghaŋ. Fó wun dzəʼə̀m yee là may rə̀n. A dzə̀ wun tíy ye vé‑eè yoŋ e Ŋwàʼ Nyùy ji Nyùy‑iì tày ji yee jeéy, é bo wíri siíy, e lèéy ntéŋ.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

1 Joon 4:10

A dzə̀ vèsən kù lèéy kinyo ke Nyùy mùmèn, e bóo kiíy rú kinyo ke dzəə̀n ji koŋ. Wù‑uù koŋ vèsən, a bó vèsən yòʼ fə̀m sí koŋ wun. Wù nèn tùm Wán və é nsay fèn ji wù wiy, e kpù, e tàŋrí vèsən, é wun fiʼ làysìn ajay vesən.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Efesor 5:25

Ven vee vilum, vèn kú a kòŋ vikìy vén réŋréŋ mo Kristu‑uù kòŋèn kintatì ke wìr və́, e kpù fó fo.

2 Korin 5:19

A kí dzə̀ jii, Nyùy‑iì tùm á Kristu, wù mán ajay wìr veé ndzə adzə̀m, aá fíʼ a dzə ŋkar se wun woo Nyùy, a bó wù yòʼ dzəə́ kív njò yev gheéy. Wù kfən wày sáʼka wo juŋ və̀n e věr kiwo.

Joon 7:38

A ké wìr wo wù wáy shilív e mǒ wùn kí wíy a dzə mo vé‑eè yòŋèn é Ŋwàʼ Nyùy ji ‹Ntòŋ sé ndzəv sí wíy a fəə fo ŋgaàŋ shiliv, a fo mendzə́v me mè fó dzəʼə̀m yee là may.› »

Joon 3:14

Kú a kiíy jii, mo Mooser‑iì koʼorin yó ye vé‑eè fèrìn e kisha ki é kici, e kirə̀ʼ ké woʼ kí, kù dzə̀ réŋréŋ mo á kér fó wìy koʼór sa ŋgaà wo yírí dzəə̀n Wanwìr e kici,

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Joon 6:41

Mo vé wòŋe yuun, a Jesus suuy ji wun dzə̀ vifá ve yi ve ví loòn a dzə̀ fó yuv, á nèn kèʼ, a ghvə̀vrì,

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 6:48

Dzə̀ mo wo m dzəə̀n vifá ve yi ve ví fó dzəʼə̀m yee là may.

Joon 6:50

A m dzə̀ kém vifá ve yi ve wìr yí, la wù yòʼ dzəə wìy kpù.

Joon 11:26

bìʼ fo, a wìr dzə́ lèn, wáy shilív e mǒ wùn, bo bó wù yòʼ wíy nəə́ e kpu yee ŋkuuŋkùŋ. À ku yòʼ biìmé bèy a?»