Joon 6:5 - ŊWÀʼ NYÙY

⁵ Jesus lòo màʼ sí, e yèn, a màŋgòŋ wiy ji á yén a wun. Wù nèn dzə̀r e wan və lìm woo Filiv jii, «A dzə̀ vèsən yùn vifá ve yi fo feé fen, e bóo yiír màŋgòŋ və̀n sho?»

Joon 6:5 Referans Kwoze

Matio 15:33

Wón və́ lìme dzə́r shó jii, «A dzə̀ vèr lì vifá ve yi ve ví gheén màŋgòŋ və̀n fo feé é kwaʼ fèn, e bóo yiír áwune shó?»

Joon 4:35

Vèn suuy kén ji ŋwee kù dzəə́ bér e kweè, é bo á wáa kav vifá fo kwaʼ, yii bèy, a m suuy kém jii, vèn leéy kijuŋ, e yèn á mo kwáʼa kiʼì. Vifá vi bìy ne bíyín.

Joon 1:43

Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»

Kintaŋ 11:13

A dzə̀ m lì nyám fo feé, e bóo fo e màŋgòŋ və̀n? Áwune kù tóŋ, kan mo ji m fó nyám, aáwune yí.

Maak 6:32

Wùn áwune nèn bàr wún, e nə̀ə́ e kikoŋ, a dù e kirə̀ʼ ke kí dzəə̀n ji nyaáŋ.

Ŋwàʼ Luk 9:10

Aŋgàa ntum Jesus vìyi ghán, e kfə̀n é bàm, e fèr vinyo ve áwune‑eè yiìn vidzə̀m e Jesus. Wù yuúrí, e lò, e lì, wùn áwune bàr wún, a dù e mvə̀mlaʼ yee Besayda.

Joon 1:44

A Filiv və̀n‑eè dzə̀ wír woó mvə̀mlaʼ yee Besayda, a dzə̀ fo láʼ Andru wùn Pitàa‑aà dzəə̀n.

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 1:46

Nataniar yú, e nèn sèʼér seʼerín jii, «A dzə̀ lùŋfófo wùmòʼ fəə̀ fó Naasarer à?» Filiv bìnèr jii, «Wìy ri, e dù yèn.»

Joon 1:48

Nataniar dzə́r jii, «À ghàn é le, e bóo kiíy mo m dzəə̀n?» Jesus bìnèr jii, «Kú a kiíy jii, bo Filiv wiy, a jàŋ wò fo sar kici ké *fig, a m kì kì ji à dzə̀ á fo.»