Joon 6:44 - ŊWÀʼ NYÙY

⁴⁴ Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

Joon 6:44 Referans Kwoze

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

Joon 12:32

A kém kí dzə̀ jii, á wíy koʼór mo é kici, wíri yéné, é m nèn sə̀ŋrì wir dzə̀m e mǒ wùn.»

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Jeremia 31:3

Nyùy Tàr‑iì dìn kitú kfə́ e vèr é yàŋgùʼ, e yòŋ jii: «Koŋ ye m koŋ vené yòʼ wíy mày, m kù wíy a kòŋ ven ghán sidzə̀m.

Joon 5:44

A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.

Hosea 11:4

Mò‑oò wày áwune é shiliv, a kòŋ e ŋàŋ, e nèn siìr e mǒ wùn. Dzə̀ moo ji mò‑oò sə̀ʼə́r a dzə̀ kimbùŋ fo áwuné mbèʼ, e gvə̀ʼtí aáwuné si, e yìír áwune.

Kolosia 2:12

A kí dzə̀ jii, vé‑eè wày ven é ndzəv ji wír Kristu, kí nèn a dzə mo vèn‑eè kpù, á dzəə̀mè vèn à Jesus Kristu. Nyùy kfən fə̀ə́r ven ve vèn à Kristu tatin e kpù vin fo kpu, bìʼ fo vèn‑eè wayin shilív e wun wùn ji dzə̀ wù fə̀ə́r sá ven mo wù‑uù fəərin Kristu fo kpu.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

Yòv Viŋgér 1:4

Kii wò, ku lì mo, e lèʼ shó. Fòn, ku lì mo, e nə̀ə́ sho e wun mbvə̀ʼ kishìíy. Tàr à wíri, vèr shéʼri wò feyì, séŋ bèn, savnìnè. Géʼ ye à géʼ e wìrkóyti wòo bòŋ feyì, e shaà meluʼ. A kù dzə̀ wónlě ŋgòne tàtí, a kòŋ wò bèn.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

Matio 12:34

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.

Joon 6:43

Jesus kiíy, e sùúy aáwune jii, «Vèn bér fó a ghvə̀vrì, a kfə̀ynìn.