Joon 6:40 - ŊWÀʼ NYÙY

⁴⁰ A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 6:40 Referans Kwoze

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

Joon 6:54

Wìr wo wù yí wún wóm, kfə̀n nó mensə́ mem sí kér dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 11:25

Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Joon 12:45

Wìr wáa yén mo, bo wù yén sa a dzə̀ wír wo wù tumen mo.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Ŋwàʼ Luk 2:30

Sí yémé yèn ne mo à wíy lùŋèr wíri,

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

Aysaya 52:10

Nyùy Tàr sí lo, a dìn vitaáví və́ ve ghaʼán ví, a vitúm vidzə̀m vi lo, e yen e sí yéví. Wìr dzə̀m woó vitum vidzə̀m veé kitu ke nsay lo, e yen mo Nyùy wov luŋèr wír və́.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Ŋwàʼ Jud 1:21

Vèn wáy vifií vén ví cáʼ ji vèn kú a yu a dzə̀ á fo Nyùy, é wù maysi, a kòŋ ven. Vèn wáa shìy ji nyaáŋ, é Taàtá wòsən Jesus Kristu wìy kfə̀n, e shàm ven, e lì, e wày é dzə̀ʼə̀m yee là may.

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Ŋwàʼ woó Rom 5:21

Kidzə̀m ki nén a dzə jii, mo kinyo ke bi kí yiìn ne, a wíri kù kér fó a kpu, dzə̀ sá mo Nyùy koŋ wíri lèn, li áwune ji wír vee là jay, aá nəə e dzə̀ʼə̀m yee là may. A wù li a dzə̀ wír ve á wáy shilív e Tàr wòsən Jesus Kristu wùn.

Joon 12:50

A m kì ji ntum ye wù tumen mo shó rə̀n dzə̀ ye yì fó dzəʼə̀m yee là may. M nén a fìʼtì kinyo ke m fiʼtì kidzə̀m a dzə̀ kíwun ke Tàr wor tumen mo shó.»

Joon 8:56

Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Aysaya 53:2

Wìr lìm Nyùy‑iì kúy e Nyùy si moo kifá ke kí toon toón, tó bèy, a megháŋ mè kù dzə̀ a dzə̀ é nsay ŋgaŋ. Ké ru kí, wù yòʼ‑oò ló a ker sí ye juŋe, a kìʼ e njà wìr ye vèr wáa ker shií wó a leéy wun. Wù‑uù dzə̀ ben là viwìr, ye bó yòʼ‑oò dzə̀ vèr wàa ker shií ji bo á kì jumrì wun.

Hibru 11:1

Wìr yii wáy shilív e wìr wùn, ŋgaàŋ kaʼ wun e kifa, wù nèn a leéy a dzə̀ fó mbìy, a kiíy ji wun kù wíy a ker a kíwun, e kfə̀n a kiíy kijuŋ jii, kifá ke wun yòʼ fə̀m sí yén kìn ki dzə̀ rú á sho.

Hibru 11:27

Mo wù kù‑uù wáy kfə́ shilív a dzə̀ e Nyùy wùn, wù nèn lò, e fəə̀ fó wòŋ Ejiv foo fèy, e làa yòʼ a fàn kinyo ke yì‑iì dzə̀ fòn yiì e wun, a wù fə̀m‑eè shwiiy kilòŋ moó le. Wù ku nèn a dù kfə́ dúun, e làa yòʼ a leéy bám, wáa dzə mo ghán wùn Nyùy, a wù yén Nyùy wo bó á yòʼ yii shóv e si.

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Matio 10:15

A m suuy kinyo ke ru kí e vèn jii, wíy lòo dzə e kishiíy ké nsaʼ, é Nyùy shám wír veé Sodom wùn à veé Gomorràa, e shaà wír veé ntèʼ fóo fèy.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 6:44

Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

Joon 11:24

Maata suúy jii, «M kì bey ji wù wíy fəə e kishiíy ke wíri wíy a fəəkír fo kpu e ghan sé bàm sí.»

Kintaŋ 21:9

Mooser nèn fèr yó e kisha kee *brons ki, e keèrì e kici. Wìr wo yò‑oò teen ne leeyì, wù kù nèn bònén.