39 Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.
Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.
A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»
Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.
Kí nen kfə̀n a dzə jii, a Kiyoy ke Nyùy wo wù‑uù fəərin Jesus Kristu fo kpu ki dzə̀ e věn meliv, bo Nyùy wíy yiì sa, é wún wón wo wú wíy kpu və̀ne kfən fəə̀ fó kpu a dzə̀ bìʼ Kiyoy ke kí siìn shó.
Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.
Wìr wo wù méŋ mo, káy kinyo ke m fiʼtì, sí kér kinyo ke kí wíy saʼ wun e kishiíy ke á wíy a tinén nsaʼ se wìr dzə̀m, a kù dzə̀ jí see shooy se m fiʼtì.
Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»
«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.
«M nén a lon kinyo ke m lón kìn a dzə̀ fo áwune vee shoone. Bó m yòʼ lón fo wír ve dzəə̀n veé ndzə fène, m kù lón a dzə̀ fo áwune ve wò‑oò foon ji vém víne, bìʼ fo dzəə̀n wír vé.
«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.