Joon 6:37 - ŊWÀʼ NYÙY

³⁷ A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 6:37 Referans Kwoze

Matio 11:28

Ven ve kibeʼèy keé ndzə fèn ki yúy ven, vèn wiy, e yèn mo, é m yii, é vèn meeme.

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

1 Timoti 1:16

Jesus Kristu nèn shàm mo woo fon aŋgàa vinyò ve bi ví və̀n ji wun fíʼ dìn a mo wun yii kfə́men ji weè, shiyì, é wíri fíʼ a yen, a way shilív sá e wun wùn, e wìy nəə́ e dzə̀ʼə̀m yee là may.

Aysaya 42:3

Wù wíy yen nsàŋ, a yì sí bvə́ʼəmè, é la wù yòʼ màysì, e bvə̀ʼtí. Kikaʼày kí wíy lòo shwi ji làʼrì làʼrì, é la wù yòʼ màysì, e ndzə̀mér. Wù kù wíy a yu kinyo kimòʼón ji wun yii, é wíri wáa ker sáʼ yee réŋ.

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

Aysaya 41:9

a mò‑oò lì ven fó buu se ndzə, e fə̀ə́r ven fó vijèʼ ve ndzə, fo vèn‑eè dzə́, e yòŋ e vèn ji vèn dzə̀ á aŋgàa lìm vém. Yì‑iì shòʼ mo ven, a m yòʼ‑oò ghàn ne ŋwày ven.

Ŋwàʼ woó Rom 5:20

Ké nsər ki nén a dzə kfə́ jii, Nyùy‑iì fó nsər, a wíri sí yii vinyo ve bi ví ji á fíʼ a yen ajay vév, a shaà bèy. Mo ajayi sí yénsin akuʼùn, dzə̀ sá mo wíri lón fo Nyùy, a wù buʼ áwune, laysìn ajay vév, shaa bèy.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Nsùyrì Nyùy 102:17

Wù kù wíy yu bunrì aghéʼncey, e làa yòʼ ŋway kinyo ke áwune lón ji wù yii.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.