Joon 6:35 - ŊWÀʼ NYÙY

³⁵ Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Joon 6:35 Referans Kwoze

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Joon 6:41

Mo vé wòŋe yuun, a Jesus suuy ji wun dzə̀ vifá ve yi ve ví loòn a dzə̀ fó yuv, á nèn kèʼ, a ghvə̀vrì,

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Ŋgaà Yen 7:16

A bó jìŋ yòʼ dzəə́ wìy a yar áwune, a kilòŋ kí yòʼ dzəə́ wìy a yum áwune. A bó yòʼ dzə̀ sá áwune dzəə wìy a yu shúy, a virə́ʼ ví yòʼ wíy a tònnìn,

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Matio 11:28

Ven ve kibeʼèy keé ndzə fèn ki yúy ven, vèn wiy, e yèn mo, é m yii, é vèn meeme.

Ŋwàʼ Luk 6:25

Ŋgeʼ dzə̀ yéen, ven ve á bon vifá lèn, bìʼ fo vèn wíy a tooŋé jíŋ. Ŋgeʼ dzə̀ yéen, ven ve á shéʼ lèn, bìʼ fo vèn wíy a dìy, a sòv vitú.

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Joon 4:15

Wiíy və̀y nèn yòŋ jii, «Taàtá, ku fò mo mendzə́v mee shooy, é la kilòŋ kí yòʼ dzəə wìy a yum mo, é m wáa wìy fèn ji m tú mendzə́v.»