Joon 6:32 - ŊWÀʼ NYÙY

³² Jesus bìnèr jii, «Vèn wáa kiíy rúrú ji bó yòʼ‑oò fó Mooser ven vifá ve yi ve ví‑iì lo fo yuv. Kù dzə̀ Tàr wor wo wù fó ven vifá ve yi ve dzəə̀n rú veé yuv.

Joon 6:32 Referans Kwoze

Joon 15:1

Jesus kfə́n a suúy jii, «Dzə̀ mo kitiír ké *vayin ke ru kí, Tàr wor nén a dzə wír wo wù náŋsin kitiír kee shooy.

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

Ŋwàʼ Fəə 16:4

Á bèy, Nyùy Tàr nèn sùúy e Mooser jii, «Lèn, m yíi a səʼə́r viyíkìr vén wír adzə̀m fo yuv. Wír veé Israyi kù yíi a fəə kishiíy kidzə̀m, a baʼtí ve a dzə̀ á yì é kishiíy fó. E dzəə fen, é m nèn mùm áwune, e yèn ó ji á sà yíi a jùmrì nsər sém moo ŋgáŋ á?

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Joon 6:55

Wún wómé dzə̀ vifá ve yi ve ru ví, a mensə́ mem mè dzə̀ nó yee rú.

Joon 6:50

A m dzə̀ kém vifá ve yi ve wìr yí, la wù yòʼ dzəə wìy kpù.

Joon 6:41

Mo vé wòŋe yuun, a Jesus suuy ji wun dzə̀ vifá ve yi ve ví loòn a dzə̀ fó yuv, á nèn kèʼ, a ghvə̀vrì,

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Joon 6:33

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Nsùyrì Nyùy 78:23

Yii bèy, wù wám mbàʼ seé yuv, sí mvə́ʼ shuu,

Ŋwàʼ Fəə 16:8

Mooser wáa dzə̀sì, a suúy jii, «Nyùy Tàr yù ne mo vèn ghvəvrì wun. Wù yíi fo ven nyám e ŋkuùr, e kfə̀n fo kibán kijàvndzə, é vèn yí, é ví gháʼ. Vèn ghvəvrì a dzə̀ wun, vèn yòʼ ghvəvrì ver. Vèr yòʼ siì dzə̀ kér ji ala?»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 6:31

Atǎr ram yérí‑iì ló a ghan e kirə̀ʼ ké woʼ kí, a rəsí, a yi vifá ve yi ve vé‑eè yoŋ ji *manna. A dzə̀ vee shooy ve vé‑eè saŋen jii, ‹Wù‑uù fó áwune vifá ve yi, a ví‑iì lo a dzə̀ fó yuv.› »