Joon 6:31 - ŊWÀʼ NYÙY

³¹ Atǎr ram yérí‑iì ló a ghan e kirə̀ʼ ké woʼ kí, a rəsí, a yi vifá ve yi ve vé‑eè yoŋ ji *manna. A dzə̀ vee shooy ve vé‑eè saŋen jii, ‹Wù‑uù fó áwune vifá ve yi, a ví‑iì lo a dzə̀ fó yuv.› »

Joon 6:31 Referans Kwoze

Nehemia 9:15

Jìŋ‑eè lóo yar áwune, à tsə́nsí viyíkìr ve ví‑iì loòn a dzə̀ fó yuv. Kilòŋ kí wáa yum áwune, à fəə́r mendzə́v fó kilan, á nó. À kfən yòŋ aáwune ji á du, e yòv a nsay ye wò‑oò lìʼìn ji à wíy fo aáwune.

Nsùyrì Nyùy 105:40

Á dzə́r nyám, wù tsə́nsí menə́n mee búmér, e yìír áwune e vifá ve yi ve ví loòn fó yuv ví.

Joon 6:49

Atǎr ram yéné‑eè lo yì rú vifá ve yi ve vé‑eè yoŋ ji *manna e kirə̀ʼ ké woʼ kí, yii bèy, e kù kpùkír.

Ŋwàʼ Fəə 16:35

Wír veé Israyi‑iì yì vifá ve yi ve á yoŋ ji manna vìy kiyá mkweè, e dù mèé mo vé‑eè nəən fo vé‑eè dzə̀ʼə̀mèn. Vé‑eè ghàn, e dù mèé e bìíy yeé Kanan fo vé‑eè dzə̀ʼə̀mèn, aá kù yí a dzə̀ manna.

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Nehemia 9:20

Wò‑oò fò Kiyoy ké ke juŋ ki aáwune, kí wáa tir áwune, a bó à yòʼ‑oò lo yàr fó yiír áwune e manna, aà yòʼ‑oò lo yàr fóo fo mendzə́v ji á nó.

Remrí 8:3

Wù‑uù sə̀r ven, e lèm e jìŋ, e yiì lò, e yìír ven e manna wo bó vèn yòʼ‑oò kiìn, a bó atàr véné yòʼ‑oò kì sá. Wù‑uù yii bèy ji vèn kiíy á ji bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy Tǎr shuù sidzə̀m.

1 Korin 10:3

Wír vìn adzə̀me kfə́n a yi vifá ve yi ve ví‑iì lo a dzə̀ fo Nyùy,

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

Joshua 5:12

Vifá ve yi vee *manna vi nèn mày e kishiíy kee shooy la wír veé Israyi yòʼ kfə̀n a yi manna. Á nèn kù a yi a dzə̀ vifá ve yi veé wòŋ Kanan, e kèʼ fo kiya foo fèy.

Joon 6:32

Jesus bìnèr jii, «Vèn wáa kiíy rúrú ji bó yòʼ‑oò fó Mooser ven vifá ve yi ve ví‑iì lo fo yuv. Kù dzə̀ Tàr wor wo wù fó ven vifá ve yi ve dzəə̀n rú veé yuv.