Joon 6:30 - ŊWÀʼ NYÙY

³⁰ Á nèn a dzər jii, «Kinyo ke à yii, ke kí din vitaáví vé Nyùy, é bo vèr yén, e wày shilív e wò wùn kí dzə̀ ka?

Joon 6:30 Referans Kwoze

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

1 Korin 1:22

Wír veé Judàa shéʼ kév, bìʼ fo á kù rə́si taʼ ji á yén á kiŋgaʼnìn ke kinyò ke kí din vitaáví vé Nyùy, a wír veé Griki taʼ kév a dzə̀ vinyo ve ví wáa dìn vifií ve ghaʼán ví.

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 6:36

Yii bèy, a m lo sùúy e vèn jii, vèn yén mo e sí yéné, a bó á yòʼ fə̀m wáy shilív e mǒ wùn.

Joon 2:18

Vé wòŋe yén kinyo ke Jesus yiìn kin, e dzə̀r shó jii, «À yii kinyo kìn moo la? Ku dìn kisəəm kí fo à li vitaáví, e bó a yiì vinyo ve à yii vìn.»

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

Lim Aŋgàa Ntum 4:30

Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»

Maak 15:32

Wun woo *Mfə̀ə́r woo Fon wìr veé Juda, wù sə́ʼə́y ri fo kintam, é vèr yén, e wày shilív é wùn wó.» A wír ve vé‑eè tamen e Jesus ghaŋe kù shur sa wun e liy si bey.

Maak 8:11

Wír ve vé‑eè dzəə̀n é mbìv *Farasi ámóʼó nèn wìy, a woóy Jesus, a yùtì ji wù ku yiì a kiŋgaʼnìn ke kinyò ke kí din ji wù sə́ rú vitaáví a dzə̀ fo Nyùy.

Aysaya 5:19

Lòné dzə̀ wó wìr ve á nye lám jii, «Nyùy Tàr ku yiì o kinyo ke wù taʼ ji wun‑éè yii. Wù ku yiì rì cér, é vèr yén ó. Wun woo Ŋgaà wo Ranén woó Isray, wù ku lìm kinyo ke wù‑uù baʼtin, é vèr yén ó.»

1 Afòn 13:5

Kíy cùu nèn kù tòʼnín e ntìntìn, kibvə́ ki táʼrí fó fo, kù réŋréŋ mo ŋgaà ntum Nyùy kì yòŋèn ji Nyùy Tàr waà kì sùúy.

1 Afòn 13:3

Wù yòŋ bèy, e nèn a fo kisəəm é kishiíy fóo fèy, a suúy ji kisəəm ke Nyùy Tàr yòŋèn kí dzə̀ á jii, «Kíy cùu lo, e toʼnín e ntìntìn, é kibvə́ ke kí dzəə̀n shó ki táʼrí.»

Ŋwàʼ Fəə 4:8

Nyùy Tàr suúy jii, «Aá tèn fóo yu wò, kìn á tèn fóo biimé kiŋgaʼnìn ke kinyò ke mbìy ki, tàm aá biímé ke kí batin.

Joon 4:8

A wù kì dzə́ fo bèy, a wón və́ lìme dú ne ji á yún a vifá ve yi fo mvə̀mlaʼ.

Ŋwàʼ Fəə 7:9

«A Farao lòo dzə, e sùúy ji vèn din kiŋgaʼnìn ke kinyò ki ji tùm rú á mo ven, à nèn yòŋ, é Aaron li mbàŋ rə, e màʼ e Farao si, é yì binkir é yó si.»

Joon 6:2

Màŋgòŋ báʼtí fó e gháʼán, a ghan e wùn bàm, bìʼ fo vé‑eè yén viŋgaʼnìn ve vinyò ve wù‑uù yii e vé yàsií wùn.

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»