Joon 6:29 - ŊWÀʼ NYÙY

²⁹ Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»

Joon 6:29 Referans Kwoze

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

Lim Aŋgàa Ntum 16:31

Áwune bìnèr jii, «Wáy shilív shí e Jesus wùn, é vèn à kfə́ə yée wìy lùŋ.»

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Joon 5:39

Vèn rə́si tar vinyo fo Ŋwàʼ Nyùy, kwaʼtì ji dzə̀ fo vèn wíy lùŋ, a ker dzəʼə̀m yee là may. A ŋwàʼ woo shooyi kù din a dzə̀ mo m dzəə̀n.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Joon 6:28

Wír vìyi nèn lò, e dzə̀r shó jii, «A dzə̀ vèr yèe lèn, e bó a yiì vinyo ve Nyùy taʼ ji á wáa yiì?»

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 6:57

M dzə́, a kù yii vitaáví vé Tàr wor wo wù tumen mo, bo m wáa dzə, wun woo Tàr wor wo wù kù dzə́ a dzə̀ fo wùn vitaaví. Dzə̀ réŋréŋ sá mo vém vee vitaáví ví yii, bo wìr wo wù yí wún wóm wáa dzə.

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

Jeem 2:22

Vèn yén ri mo wù‑uù wayin shilív e Nyùy wùn, e kfə̀n a yiì mo wù suuyin. A shilív she wù‑uù wáy e Nyùy wùn shí‑iì mèé é kinyò cáʼ bìʼ kinyo ke wù‑uù yiìn.

Ŋgaà Yen 2:26

Wìr wo wù só vinyo ve bi ví, yii a dzə̀ vém, e dù, e meé e ghan se m wíy kfən, dzə̀ wo m wíy fo sáʼ sho, a dzə̀ ye Tàr wor‑iì foon e mò, é wù wáa saʼ vitúm veé nsay vidzə̀m. A wù wíy a saʼ e ŋkǒmbàŋ wo dzəə̀n kisháa, a tìm áwune shó, aá wáa bvəʼə́y moo kíŋ.