Joon 6:28 - ŊWÀʼ NYÙY

²⁸ Wír vìyi nèn lò, e dzə̀r shó jii, «A dzə̀ vèr yèe lèn, e bó a yiì vinyo ve Nyùy taʼ ji á wáa yiì?»

Joon 6:28 Referans Kwoze

Lim Aŋgàa Ntum 16:30

Wù yiì lò, e fə̀ə́r áwune fó ndzə, e dzə̀r jii, «Atàr vem, a dzə̀ m yèe, e bóo wìy lùŋ?»

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Ŋwàʼ Luk 10:25

Wìr wo wù kiìn nsər wùmòʼ nèn wìy wìy, a woór kinyo, a dzər e Jesus jii, «Ŋgaà Yèʼey, kinyo ke dzə̀ m kù yiì, e bóo nəə́ e dzə̀ʼə̀m yee là may ki dzə̀ ka?»

Matio 19:16

Wìr wùmòʼ nèn dù wìy, e yèn Jesus, e yòŋ jii, «Ŋgaà Yèʼey, lim ye juŋ ye dzə̀ m yiì, é bo Nyùy fó mo dzəʼə̀m yee là mayi dzə̀ ka?»

Lim Aŋgàa Ntum 2:37

Wír vìyi yú kinyo kìn, shilív shév shí seèm. Á dzə́r e Pita wùn aàŋgàa ntum Jesuse adzə̀m jii, «Afə̀r ver, a dzə̀ vèr yèe le lèn?»

Remrí 5:27

Á suúy bey, e nèn yòŋ e mò jii, ‹Mooser, kfə́n fó, e yuùrí kinyo ke Nyùy Tàr woo Nyùy wor suuy ki. À yú, áà wiy, e naàrì e vèr kinyo kidzə̀m ke wù suuyin e wò. Vèr yú, aá wáa yiì kinyo kidzə̀m ke wù yòŋèn.›

Jeremia 42:20

Vèn sí taʼ e yiì jay wo tavín, vèn dzə́n kidzə́n e kitu ke koŋ. Vèn‑eè tùm mo fo Nyùy Tàr woo Nyùy wón wùn ji m du, e mbaà wun. Wù suuy kinyo ke wù suuyin, m fèr á e vèn kidzə̀m, é vèn yii á mo kí dzəə̀n.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joon 6:29

Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»