Joon 6:27 - ŊWÀʼ NYÙY

²⁷ Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joon 6:27 Referans Kwoze

Kolosia 3:2

Vèn tiír ri vifií vén ví a dzə̀ é vinyò foo fèy. Lá vèn yòʼ tìír e vinyò veé nsay.

Aysaya 55:2

Yiì ka, é bo vèn wáa tòn mbàm e vifa, a bó ví yòʼ kúr bvəm? Vèn ghàn é le, e bóo ndzə̀ʼnìn, e kav mbàm, e lì, a yun vifá sho, a bó yòʼ dzə̀ ví sə̀ ven? Vèn yuúrí kinyo ke m suuy ki, é m din fo a dzə̀ vèn kòóy vifá ve yi ve juŋ vi. Vifá ve yi, a vèn ló yi, e yu búʼ.

Joon 6:54

Wìr wo wù yí wún wóm, kfə̀n nó mensə́ mem sí kér dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Matio 6:19

«Wìr wáa yen fó a baʼtí bùʼ, a lèm a dzə̀ é nsay fèn. Féne dzə̀ fo dzə̀ séʼ wùn à nyàŋ bìvír, kìn kív shóŋ kitáv, e shoŋ bùʼ woo shooy.

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

2 Pita 1:17

Tàr wov Nyùy‑iì din vikuʼùy və́ vé saʼ, a vèr dzə̀ fó. Vèr yú mo wun wo dzəə̀n Vitú ve Saʼ suuy kùm Jesus jii, «Və̀n dzə̀ Wán wom. M koŋ wun e ŋàŋ. Wù bòŋ mo féyì.»

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Ŋgaà Tàrvìnyò 6:7

Kifá kidzə̀m ke wìr gísin limè ki kù dzə̀ ji kifá ki du é shuù, yii bèy, a bó yòʼ dzə̀ buù və kpù.

1 Pita 1:24

A dzə̀ mo vé‑eè saŋen é Ŋwàʼ Nyùy jii: «Wìr dzə̀ moo viŋgà, a vijuŋ və́ ví dzə̀ moo vibuushì. Viŋgà, a ví yúm, vibuushì ví keèsí,

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

Kolosia 1:29

M ku nèn wày ŋàŋ, a ghìtìr e kinyò foo fèy. A m yii a dzə̀ mo Jesus Kristu fó mo vitaáví və́ ve ghaʼán ví, a ví lim e mǒ wùn.

Joon 3:33

Yii bèy, a wìr wo wù biíme kù yòʼ din ji kinyo ke Nyùy yii kìn ki dzə̀ ke ru kí,

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Ŋwàʼ Luk 9:35

Jì wìr súŋnín fó mvə̀m mbàʼ foo fèy jii, «Wan wom wo m shoʼon və̀ne. Vèn wáa yuurí a dzə̀ kfə́.»

Nsùyrì Nyùy 40:7

M nen biìmé jii, «Mo á və̀ne. M yèn ne, aá sáŋ é Ŋwàʼ Nsər kinyo ke dzə̀ m yiì.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Hibru 12:16

Vèn kfə́n a yen sa fo wìr wáa ker liì kisaŋ, a jàŋ kinjàŋ, a ghan viŋkar. Lá wìr yòʼ kfə̀n a lì kinyo ke Nyùy fo tèr moo Esav wo wù‑uù fiìnèn kilíŋ ke Nyùy‑iì foon e wun ji wán woo ŋgàywìr bìʼ kimbéʼ ke kiban keé ghan see shó.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Hibru 4:11

Vèsən ku nèn wày kitávín ji á ku wìy nə̀ə́ e kirə̀ʼ ké meèmè fèn, a yen fo wìr ŋwáy kinyo ke Nyùy, e ràn meemè yee shooy mo vé mbìyi‑iì yiìn, e bóo ran.

Kolosia 2:22

Aá kù shivìr a dzə̀ vifá ve wíri yii kér, a ví shaa shaàn. Kù sìysì wír nsər see ben a dzə̀ mo kwaʼtì rəə́ dzəə̀n.

1 Korin 9:2

A wír ámóʼó fə̀m lò, a kìnèn ji bó m yòʼ dzə̀ rú ŋgaà ntum Jesus Kristu, bo bó yòʼ dzə̀ vèn kìnèn. Mo yiìn mo, bo vèn tátí vèn à Tàr wòsən Jesus, bo vèn dzə̀ kisəəm ke kí din ji m dzə̀ rú á ŋgaà ntum Jesus Kristu.

1 Korin 6:13

Yii bèy, a dzə̀ wùmòʼ kfə̀n a bìʼ sa jii, «Nyùy‑iì fèr vifá ve yi ji á wáa yi e bvə̀m, e fèr bvəm ji á yí vifá ve yi sho.» Yii bèy, vèn wáa kiíy ji Nyùy lèm ne a kishiíy ke wù wíy laàr vifá ve yi, é shúuyii may sá. A bó wúné yòʼ wíy mày bèy. Nyùy yòʼ‑oò lo bòm wún ji wìr li, a jàŋ a dzə̀ kinjàŋ sho. Wù‑uù bòm ji wìr wáa lìm sho a dzə̀ á fo Tàr wòsən Jesus Kristu, a dzə̀ wun woo Tàr wòsən wo wù kér wún wìr e dzə̀m.

Ŋwàʼ woó Rom 4:11

Á nèn wìy a naŋsín a dzə̀ fó bàm ji wáa dzə kisəəm ké kinyò ke Nyùy‑iì yiìn, a wù dzə̀ə́ là náŋsín. A kí dzə̀ jii, Nyùy kù‑uù lì á wun líin ji wír və, bìʼ fo wù‑uù wayin shilív e wun wùn. Abraham nén a dzə ji tàr à wìr dzə̀m e kinyò ke Nyùy. Wù dzə̀ wo wìr ve á wáy shilív e Nyùy wùn, a wù li áwune ji wír və́, a bó á yoʼ fə̀m nàŋsín.

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 11:42

A m kì jii, à kù yii yuúri kinyo kém ghán sidzə̀m. M nén a suúy kin a dzə̀ bìʼ wír ve á tíy fo ghaŋ vìn, aá fíʼ yìi biimé ji tùm rú wò woo Nyùy mo.»

Joon 8:18

Mo m naarì kitú kém, dzə̀ réŋréŋ mo Tàr wor wo wù tumen mo naarì sa mo m dzəə̀n.»

Maak 9:7

Kù mo wù suuy bèy, mbàʼ yìmòʼ nèn wìy, e tìím aáwuné kitu. Áwune yú, a jì wìr súŋnín fó mvə̀m mbàʼ foo fèy jii, «Və̀n dzə̀ Wán wom, m koŋ wun feyì. Vèn wáa yuurí kinyo a dzə̀ kfə́.»

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Jeem 1:11

A dzə̀ mo viŋgà ví yii buyì, shùy mbáŋri, báné, ví kù nèn yòvrí, e keèsí, vijuŋ və́ vee shooy vi nèn lày. Kù dzə̀ réŋréŋ mo ŋgaà bùʼ wíy lòo tàʼtìn e wùn kitu ke bùʼ, é wù sasin, e kpù, e màʼtì bùʼ woo shooy.

2 Korin 4:18

Vèr kù tiir vifíi vér a dzə̀ é vifa ve bó á yòʼ sí yén vìn, a dzə̀ vee shooy ve ví wíy shaàrì, a bó vèr yòʼ wáy vifií é vifa ve á yén e si, bìʼ fo vee shooy vi shaa shaàn.

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

Habakuk 2:13

Rúrú, kéŋ ye vitúm vi kéŋée wíy kfən ji vidaànè ve və̀y, a ndzəʼnìn sév sí kù wíy lày kisáŋ, á ke Nyùy Tàr woo Taà Mànjòŋ wayin.

Ŋgàn 9:5

«Vèn wiy, e yì vifá vém vé yi vi, vèn wiy, e yì vifá ve m baʼtin ví. Vèn wiy, e nò meluʼ me m bìŋrìn mè.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Joon 3:15

é wír ve á wáy shilív é wùn wó adzə̀me luŋ, a ker dzəʼə̀m yee là may.

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 6:53

Jesus suúy jii, «Vèn wáa kiíy rúrú jii, a vèn dzə̀ là fóo yi wún ŋgaà wo yírí dzəə̀n *Wanwìr, e kfə̀n no sa mensə́ mvə, bo bó á yòʼ kér a dzəʼə̀m gheéy shishàr.

Joon 6:62

Bo ŋgaàŋ wo yírí dzəə̀n *Wanwìr wíy kfən fo wù‑uù wìyìn, é vèn yée le?

Remrí 30:13

Sí yòʼ dzə̀ sá e ndzə̀n rìbà ndzə̀v wùmòʼ fo vèn wìy a yòŋ jii, ‹A dzə̀ lìysín la ndzə́v, e lì, e wìy, e yèn ver shó, é vèr yú, a yiì?›