Joon 6:26 - ŊWÀʼ NYÙY

²⁶ Jesus kòr a dzə̀ lám aáwune jii, «M suuy ven kinyo ke ru kí ji bó vèn yòʼ ghán, taʼ mo ben ji bìʼ fo vèn‑ee yenen ji vinyo ve m yii vi din vitaáví vé Nyùy. Vèn wiy a dzə̀ bìʼ fo vèn‑ee yiin kibán, kí‑ii gháʼ ghaʼán.

Joon 6:26 Referans Kwoze

Filipi 3:19

Vee shooy vee wíri wíy jòʼsì kév a dzə̀ é və̀y, bìʼ fo wóov woo Nyùy dzəə̀n shúuyi, aáwune kfə̀n sumrì wún é vinyò ve á kì rə̀ʼ‑ə́ə̀ wáa woomé woomén fó fo, wáy vifií vév a dzə̀ é vinyò veé nsay fèn.

Filipi 2:21

A m suuy bèn, bìʼ fo kùʼùn wìr diy a dzə̀ kfə́ kee kinyo, e làa yòʼ a ci ké Jesus Kristu gheéy.

Esiker 33:31

Áwune lo, á wìy, e yèn wò mo wìr yii du fo wìr wùn. Wiyì, á dzə̀ʼə̀m e wò si moo wír vém, a yuurí kinyo ké, a bó á yòʼ yíi yiì kinyo ke à suuyì. Lám wóví kù dzə̀ wó kinjàŋ.

1 Timoti 6:5

Aáwune táŋnin bèy, a dzə̀ bìʼ fo wìr yòʼ dzəə́ kér shilív she juŋ shi wùn wùmòʼ, a bó wìr yòʼ dzəə́ yéʼey áwune sá kinyo ke dzəə̀n ke ru kí. Á lò ne, a yeʼéy vinyo jeéy jeéy mo kinyo ke Nyùy ki dzə̀ á dzəə wày yìmòʼ bey, ye dzə̀ wìr kùʼ fó fo.

Ŋwàʼ woó Rom 16:18

a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo.

Joon 6:2

Màŋgòŋ báʼtí fó e gháʼán, a ghan e wùn bàm, bìʼ fo vé‑eè yén viŋgaʼnìn ve vinyò ve wù‑uù yii e vé yàsií wùn.

Nsùyrì Nyùy 78:37

Melív mev mè yòʼ‑oò ló a tiy e wun wùn, aá yòʼ‑oò ló a tiy rú é mensàŋ me Nyùy‑iì gwàrìn wùn áwune.

Joon 6:24

Mo màŋgòŋ və̀y kì tàʼàn ne Jesus ntéŋ, a bó wón və́ lìme yòʼ dzə̀ə́ sa fo, á nèn nə̀ə́ e vikoŋ fèy, a tumsín e ntèʼ yee Kapeenahum, a tàʼ Jesus fo fo.

Joon 3:5

Jesus bìnèr jii, «Kinyo ke m suuy kìn ki dzə̀ ke ru kí. Aá dzə̀ là fó dzəə́ wír fo mendzə̀v, é Kiyoy ke Nyùy ki kfən dzə̀ə́ ŋgaàŋ, bo bó yòʼ dzə̀ ŋgaàŋ nə̀ə́ e Nyùy mvə̀m saʼ.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

Joon 6:53

Jesus suúy jii, «Vèn wáa kiíy rúrú jii, a vèn dzə̀ là fóo yi wún ŋgaà wo yírí dzəə̀n *Wanwìr, e kfə̀n no sa mensə́ mvə, bo bó á yòʼ kér a dzəʼə̀m gheéy shishàr.

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.

Joon 6:30

Á nèn a dzər jii, «Kinyo ke à yii, ke kí din vitaáví vé Nyùy, é bo vèr yén, e wày shilív e wò wùn kí dzə̀ ka?

Joon 6:15

Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Joon 6:36

Yii bèy, a m lo sùúy e vèn jii, vèn yén mo e sí yéné, a bó á yòʼ fə̀m wáy shilív e mǒ wùn.