Joon 6:19 - ŊWÀʼ NYÙY

¹⁹ Á kú a kìy kikóŋ, a dù, e lòo meé fomóʼó, aá kì màʼtì ne shúu kwaʼ moo amay ataár kìn akweè bèy, e yèn Jesus, a wù ghán a dzə̀ é kitu ke ndzəv, wiy, méʼ kikóŋ. Wún wóví kuúsí, á wáa fàn.

Joon 6:19 Referans Kwoze

Joon 14:18

«Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.

Nsùyrì Nyùy 93:4

Nyùy Tàr woó yuv dzə̀ Ŋgaà Vitaàví Vidzə̀m. Wù tàv shaà rìbà ndzə̀v wo wù yorì, e tàv shaà rìbà ndzə̀v wo wù tsə́yninè.

Ŋwàʼ Jov 9:8

Kù‑uù bòm wun yúv, e sàŋrì fo, e sə̀r rìbà ndzə̀v fo wù wáa tsəynín.

Jona 1:13

Yii bèy, vé kikoŋe kú a mùm kév kitávín ji á kiy kikóŋ, e fəə̀ shó e ghaa kwaʼ. Kí ku ghàʼ gháʼán, bìʼ fo kinsəm ki kù‑uù maysì távkir tàvkín.

Esiker 27:26

Leéy, e yèn, vé kikoŋe lì ne wò, e dù sho e ntìntìn rìbà ndzə̀v. Shwér woó mbìv kintoshùyi tsə̀y ne kikóŋ ké, e bìnèr wò, e dòm e sar ndzəv.

Nsùyrì Nyùy 29:10

Kù màʼ Nyùy Tàr kàvàʼ e kitu ke mbàʼ. Kù sáʼ Nyùy Tàr vifon ghán sidzə̀m, a bó ví yòʼ wíy mày.

Ŋgaà Yen 21:16

a láʼa dzə̀ buú e kweè e kiŋkar. Wù nèn fìʼ, vikuʼùy ví wáa dzə may nsə̀kì e mayi ghii tàn (1,500). Mbvə̀ʼ kú a dzə sa bèy. Yí kfən dàr e yuv réŋréŋ bey.

Ŋgaà Yen 14:20

Bií Nyùy və̀ne dzə̀, aá fəə́sín ne fo Nyùy mvə̀mlaʼ. Á sə̀r kicí kiy sho, e nyèŋ, nèn fəə̀ mensə́. Mè léŋ, e dù, e mèé may ghii baà, e shoò kóy e fur.

Joon 11:18

Ntèʼ yee Betani rə̀n‑eè dzə̀ é ghaa ŋkàlaʼ Jerusalem, a ntàm dzə̀ moo amay abaà bey.

Ŋwàʼ Luk 24:13

Kú a dzə e kishiíy fóo fèy, aŋgàa ŋgoo Jesus ámóʼó lò fo Jerusalem abaà, a dù e ntèʼ yee Emar, a ntàm dzə̀ moo may saàmbà bèy.

Ŋwàʼ Luk 9:42

Wù lì, e lòo dù sho, nyùy və̀y kfən màʼ wán, wù wáa buʼ, a ŋàyìr. Jesus kàntì nyùy woo shooy, wù màʼtì wán, wù bónén, Jesus siìr e tàr wov.

Joon 6:18

Kinsəm ki nèn lò, e sàsìn, a shaà kitávín, a tsəy ndzə́v, yí wáa sə̀ʼ.

Joon 6:20

Wù ku nèn yòŋ áwune jii, «Dzə̀ mo, lá vèn yòʼ a fàn.»