Joon 6:15 - ŊWÀʼ NYÙY

¹⁵ Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.

Joon 6:15 Referans Kwoze

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

Ŋwàʼ Luk 19:38

Aá kwá jii, «Nyùy Tàr ku səə̀vì Fon wo wù wiy e wùn yir və̀n. Nyùy woó yuv dzə̀ Ŋgaà Nyaáŋ. Á wáa burí Nyùy woó ntoò yùv.»

Maak 11:9

Wír ve vé‑eè du fo mbìy wùn à ve vé‑eè wiy fo bàm adzə̀me wáa ndzəʼ jii, «Fòn wor èy, Fòn wor èy, Nyùy Tàr ku səə̀vì wír wo wù wiy e wùn yir və̀n.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Joon 6:3

Jesus nèn lò, e kòʼ, e dzə̀ʼə̀m e gwan wùn à wón və́ lìme.

Matio 5:1

Jesus yén màŋgòŋ və̀y, e kòʼ, e dzə̀ʼə̀m e gwan. Aŋgaà və́ ŋgoo wìy, e kaàrí fo,

Joon 6:22

Ndzə bvəə́shí, e jàv, màŋgòŋ wo wù‑uu gòʼòn é ndzə̀n kibàŋ və̀y nèn a tàʼ Jesus, bìʼ fo vé‑ee kiìn ji kikóŋ ki‑ii dzə fó e ŋkuùr kimòʼón cáʼcáʼ, nəə́ wón lìm Jesus sho, a dù, a bó Jesus yòʼ dzə̀.