Joon 6:13 - ŊWÀʼ NYÙY

¹³ Á nèn bàʼtí, ví rún ŋkaà nshòv sibaà e ghvə̀m. A kù dzə̀ vimbéʼ ve ví berin fó ntuʼ se kiban see sitàn se wíri kì yiin siy.

Joon 6:13 Referans Kwoze

Filipi 4:19

Nyùy wo m bunrì və̀n kér nyanyày vifa, a wù wày ne vidzə̀m e Jesus Kristu kiwo, a wù wíy a fo ven ve vèn kér shií shó vidzə̀m, a fo feyì nyanyày.

2 Wòŋ 25:9

Fòn Amatsiya dzə́r e ŋgaà ntum Nyùy və̀y jii, «Ké kisha ke mbàm ke m fəərin nyanyày, e làʼ vé rər veé Isray sho ki dzə̀ ji ka?» Ŋgaà ntum Nyùy bìnèr jii, «A dzə̀ Nyùy Tàr kfə̀n fò fon kifá ke kí kuʼ, e shaà bèy.»

2 Afòn 4:44

Á bèy, wù nèn lì, e tìír aáwuné si, e jàv. Á yí, kibér ki kfən bèr, kù réŋréŋ mo Nyùy Tàr‑iì suuyin.

Matio 14:20

Á yí adzə̀m, e kùrkír, á kfən bàʼtí vimbéʼ ve ví‑iì berin, ví wáa dzə ŋkaà nshòv sibaà e ghvə̀m, sirúnkín.

Joon 6:9

«Wánlè kér ntuʼ se kiban fèn sitàn, wùn à sə́ si sibaà. Yii bèy, kee shoon ki yòʼ mèé e gha fo màŋgòŋ və̀n?»