Joon 5:7 - ŊWÀʼ NYÙY

⁷ Ŋgaà gòn və̀y nèn sùúy jii, «Taàtá, bó m yòʼ kér wír wo dzə̀ wù lì mo, e wày é kisə̀m é ghan se kí binkìrì. Kí lóo bìnkìr, m lo ji m ŋaayì, e dù, e meé fo, a wìr wo sən kì nə̀ə́ ne fo mbìy.»

Joon 5:7 Referans Kwoze

Nsùyrì Nyùy 72:12

Wù yú tóŋ wìr ve á mbaa wun, fəər aghéʼncey fó ŋgeʼ. Wù sə́ wír wo á nyavrì sho, wír, a bó wù yòʼ kér ŋgaà sə.

Remrí 32:36

Fo ké wìr və́ veé Isray ki, Nyùy Tàr kù wíy bìn nsaʼ yev, e sham mendzən me aŋgàa lìm və́. Wù wíy yen, a bó wìr yòʼ dzəə́ kér kitar, yén, aá kpú ne, a mày, kìn dzə̀ kwàn, kìn wan nsay, é bo wù yii kinyo kìn.

1 Korin 9:24

A dzə̀ vèn fìʼsìn vinyo vìn moo kileʼ ke wíri yii sénin anín, kù sò wír e mòʼón, e kòóy kifá. Vèn ku nèn a leʼ rì sa kén kee kileʼ moo wír wo wù léʼ ji wun ku sò kifá,

Nsùyrì Nyùy 142:4

M leey kóy yìyí, kíy virə́ʼ, là wír wo a dzə̀ wù sə̀ mo, leeyì, là kirə́ʼ ke dzə̀ kí wàa kìŋsìn mo. Wìr yòʼ dzə̀ shó wo wù leey ji sà kooy ka mo á.

Ŋwàʼ woó Rom 5:6

A kí dzə̀ jii, vèsən‑eè dzə́, aá kér lòn, a bó yòʼ dzə̀ vèsən sə̀ vitú vesən fó lòn foo fèy. Nyùy nèn sìysì, ghán sí gheén, wù túm Jesus Kristu, wù wìy, e kpù fo vèsən vee aŋgàa vinyò ve bi ví.

Joon 5:3

vé yàsíi wáa rəsí a neŋ e sar wo aneénín, aámóʼó dzə̀ amfìr, ámóʼó ve virə́ʼ ví‑iì kpuun, ámóʼó aŋkivkìr. [Aá dzə́ fo, shiy ghán se ndzə́ví‑iì lo, yí wàa bìnkìr,

Joon 5:2

Kisə̀m kímóʼ kí wáa dzə e Jerusalem foo fèy, aá yoŋ aáwuné Lǎm Hibru ji Besata, a kí dzə̀ é ghaa shùu kày wo vé‑eè yoŋ ji Shúu Kày Njiì. Aá bóm vibàn é ghaa kisə̀m fey vitàn,

Joon 5:4

bìʼ fo nshìylav Nyùy kù‑uù lo, yì wìy, a wùr ndzə́v yee shooy. Wù lóo wùr, wìr wo wù tòmbìy nə̀ə́ sho nèn bònén, a wù fə̀m kì joy a dzə̀ ka.]

Joon 5:6

Jesus lòo wìy fo, e yèn wír və̀y, e kìíy ji wù‑uù sí néŋ fo a fo ŋgùʼ, wù dzə́r shó jii, «À taʼ, e bonén a?»