Joon 5:46 - ŊWÀʼ NYÙY

⁴⁶ A vèn kì biìmé rú kinyo ke Mooser və̀n‑eè saŋen, bo vèn lo wày sá shilív e mǒ wùn, bìʼ fo wù din a dzə̀ mo m dzəə̀n.

Joon 5:46 Referans Kwoze

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Lim Aŋgàa Ntum 26:22

Yii bèy, Nyùy kú a sə mo ghán sidzə̀m, e meé lán. M nén a tiy sa fèn lèn, a fìʼtì ntum yem, e wír ve kuʼkìné wùn à wír vee viyi. A m kù fiʼtì a dzə̀ kinyo ke Mooser wùn aàŋgàa ntum Nyùyi‑iì tiísi ji kí wíy koóy.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

Kèʼlo 12:3

M wíy a səə̀vì wír ve á ghvə́m wò, a shov wír ve á roʼ wò. M wíy shaà fo wò, e səə̀vì rám yeé kitu ke nsay e dzə̀m.»

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Kèʼlo 28:14

Rám yée wíy a dzə e kitu ke nsay moo kibvər, a bó yòʼ dzə̀ á tàŋ. Yí wíy san, e dù vitóŋtóŋ vidzə̀m. M wíy səə̀vì vitúm vidzə̀m, e shaà fo wò vèn à rám yée.

Kèʼlo 18:18

Rám rə́ə wíy kùʼ, a dzə kitúm ke ghaʼán kí, a vitúm veé kitu ke nsay vidzə̀m vi wíy a ker kisəəvì bìʼ wun woo Abraham.

Galatia 3:24

A nsər rə̀n‑eè kér áwune mo wìr yii kér wán wo á foon shó ji wù wáa lìy, lóo lìy, wù wàa sə̀r a kijuŋ. A yì kér áwune bey ji Kristu wíy wiyì, aá nèn wày shilív é wùn wó, é yii wun, é bo á gheén á fo Nyùy.

Galatia 3:13

Yii bèy, mo nsər yiìn, vèsən nəə́ é lòn, vèsən wàa kiíy jii, Jesus Kristu fə̀ə́r ne vèsən fó lòn fóo fèy. Wù‑uù lì lòn wósən woo shooy, e siìr e wùn kitu. A dzə̀ mo vé‑eè saŋen é Ŋwàʼ Nyùy jii, «Á keerì wír e kici, bo lǒn Nyùyi sì é kitu wo.»

Galatia 3:10

Vèn wáa kiíy ji wìr dzə̀m wo wù leey ji dzə̀ wun ghèén fo Nyùy ji bìʼ fo wù lem nsər kù li a dzə̀ á lòn. A kí dzə̀ bey, bìʼ fo kí dzəə̀n é Ŋwàʼ Nyùy jii, «Lòné dzə̀ wó wìr wo bó wù yòʼ ŋeevì vinyo vidzə̀m ve vé‑eè saŋen é Ŋwàʼ Nsər, yii mo ví dzəə̀n.»

Galatia 2:19

Ke kí dzəə̀n kí dzə̀ jii, a m lò, a nəə́ e Nyùy mvə̀m nsər, m nèn yèn ji m kpù ne fo dzəə yee ji m wáa lèm nsər, e bóo fíʼ gheén fo Nyùy, a m dzə̀ kém lèn vèr Nyùy wo wù rə́r mendzən mem.

Ŋwàʼ woó Rom 10:4

Mo Jesus Kristu wìyìn, e ndzəə̀r dzə́ə ye wíri‑iì rə́si mum sho fo nsər ji á fíʼ gheén fo Nyùy, é kí wáa dzə lèn a ji wír ve dzə̀ Nyùy lì, e nàŋsín ji vee là njòó dzə̀ á ve á wáy shilív a dzə̀ e wun woo Kristu wùn.

Joon 5:47

Mo bó vèn yòʼ fə̀m biíme kinyo ke Mooser‑iì saŋen, bo dzə̀ vèn biìmé kinyo ke suuy mo é le?»