Joon 5:44 - ŊWÀʼ NYÙY

⁴⁴ A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.

Joon 5:44 Referans Kwoze

Joon 12:43

A vé‑eè fan bèy, bìʼ fo á koŋ búrí a dzə̀ yé wíri, nèn laysìn búrí ye dzə̀ wàa burí Nyùy.

Ŋwàʼ woó Rom 2:29

Wìr woó Juda woo rú dzə̀ woo fó shiliv, a dzə̀ ji á nàŋsín a dzə̀ shilív sə́. A kù nàŋsín Kiyoy ke Nyùy, a bó yòʼ dzə̀ nsər ye á saŋen ji á mo wìr wáa yiì, yì nàŋsín. Ku nèn a binsí Nyùy kinyo ke ŋgaàŋ, a bó ŋgaàŋ yòʼ dzəə́ leey ji wáa binsí a wír.

Filipi 2:3

Lá vèn yòʼ a dzə, é wìr wáa dìy a dzə̀ kitú kfə́. Lá vèn yòʼ a sùmrì wún. Vèn wáa lì vitú vén shishàr, é wìr wáa yen wùmòʼ, a shaà kfə́ kee kitú.

Matio 23:5

Vinyo ve wír vìne yii vidzə̀m vi kù dzə̀ ji wíri fíʼ a yen áwune ji wír Nyùy ve tavkíné. Áwune lo, á nèn sàŋ jí se Nyùy, e kùtír, e sə̀ŋrí e koy, e bàrír símóʼ sí é yírvishi. A kù dzə̀ sá mo áwune li ndzə̀y sé bùnrì, á màʼ, a ghan, a kar sho.

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Ŋwàʼ woó Rom 2:10

A ké wìr ve vé‑eè yii kév a dzə̀ vinyo ve ru ví kí wíy a dzə jii, Nyùy wíy binsí a kinyo kév, e bùʼ áwune e vikuʼùy və́ ví, aá wáa dzə e wùn ghaŋ ji nyaáŋ, kìn ŋgaàŋ dzə̀ wír woó Juda ve vé‑eè tòmbìy yù kinyo kfə́, kìn wir kitum ke sən kí.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Ŋwàʼ Luk 19:17

Wù shéʼrí jii, ‹Beerì feyì, à dzə̀ wánlè wo juŋ. Mo à siiyin, a leéy fo shishàr fèn kijuŋ, m yíi fo wò ntèʼ e ghvə̀m, áà wáa saʼ.›

2 Wòŋ 6:8

Nyùy Tàr nèn sùúy e tàr wor Davir jii, «Mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

Jeem 2:1

Afə̀r vem, mo vèn wayin shilív e Taàtá wòsən Jesus Kristu wùn wo dzəə̀n kfə́ ji Nyùy, vèn wáa yen fó a nyàʼ wír wùmòʼ.

Hibru 3:12

Afə̀r vem, vèn wáa yen rì fo wìr fo vèn wáa ker shilív she bi shí wùn Nyùy, a ŋway kinyo kfə́, é shí yii, é wù maʼay Nyùy woo rú.

2 Korin 10:18

A kí dzə̀ jii, a wìr lò, a suúy a dzə̀ kitú kfə́, la wíri yòʼ a yen. Vitaáví vé Nyùy vi lóo yensín e wìr lìm, á nèn a yen.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

1 Samuel 15:30

Saul biímé jii, «M dzə̀ a m jáy. Kii wò, ku yòʼ ghvə̀m mo e kfə́m sé wìr vém sí si, e kfə̀n ghvə̀m e wírí si, é wòsò kfə́n é bàm, é m fiʼ dù cù Nyùy Tàr woo Nyùy wò.»

Joon 5:41

«A bó m yòʼ fə̀m suuy bèn ji wáa binsí wír kinyo kém.

1 Tesalonika 2:6

Vèr yòʼ‑oò ló a tàʼ ghvə́m yímóʼó gheéy, kìn fo vèn, kìn fo wír ámóʼó.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Ŋwàʼ Jud 1:25

Á kú a beè Taàtá wòsən Jesus Kristu, a burí Nyùy wo wù luŋèr vèsən. Kù mày wun Nyùy. Kér wun vitaáví vidzə̀m. Á wáa ghvəm wun woo Fon, a yu a dzə̀ fó fo, é sáʼ rəə́ wáa dù fo mbìy mo yí‑iì siìn fó ŋgùʼ, e kfə̀n a dzə lèn, e wìy a dzə ghán sidzə̀m, là may. Amen.