Joon 5:42 - ŊWÀʼ NYÙY

⁴² A bó yòʼ fə̀m dzə̀ vèn bìnsí. M kì ven kijuŋ, vèn yòʼ koŋ Nyùy e shilív shí.

Joon 5:42 Referans Kwoze

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 3:17

Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

1 Joon 2:15

M nen kfə̀n a tir ven jii, lá vèn yòʼ wày shilív é ndzə ye bi fen, a yiì vinyo veé ndzə foo fèn. Vèn wáa kiíy ji wìr wo wù wáy shilív shó yòʼ dzə̀ á wù kfə̀n wày sá e Nyùy Tǎr wùn.

Joon 2:25

A bó yòʼ‑oò dzə̀ á kfə̀n a naàrì liì wìr sho náarin gheéy. Wù‑uù kì vinyo vidzə̀m ve ví dzəə̀n e wìr shiliv.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Ŋwàʼ woó Rom 8:7

A dzə̀ mo dzə̀ kí kù a dzə, bìʼ fo wìr lóo tiír vifií a dzə̀ é vinyò ve koŋ mensə́ mvə, bo wù sí tún ké Nyùy. A bó yòʼ dzə̀ wù kfə̀n a kòŋ ji wun yú nsər Nyùy. A wù fə̀m kì koŋ fó yu, bo dzə̀ la wù yòʼ yù.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 5:44

A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

Joon 5:41

«A bó m yòʼ fə̀m suuy bèn ji wáa binsí wír kinyo kém.

Joon 5:43

M wìy ne lèn, a suúy ji tùm Tàr wor mo, la vèn yòʼ a yuurí kinyo kém gheéy. Vèn lóo yìi yen, a wìr wùmòʼ wíy, a suúy kinyo ji suuy wun, é vèn nèn a yuurí.