Joon 5:40 - ŊWÀʼ NYÙY

⁴⁰ Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Joon 5:40 Referans Kwoze

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Joon 1:11

Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Matio 23:37

Jesus nèn lò, e yòŋ jii, «Éè Jerusalem, éè Jerusalem, à yúyri aŋgàa ntum Nyùy, tsə́mri wír ve Nyùy túm fo wò adzə̀m e tíyí, aá kpúkirì. M mùm ne akàŋ anín ji m báʼtí wón vé mo yeè ŋgvəv kùʼtí wón é sar vàv, la à yòʼ a biimé.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Aysaya 50:2

Mò‑oò wìy ji m luŋer ven, yiì ka, la wìr yòʼ a dzə wóo yuurí? Yì‑iì yiì ka, é bo m wáa suúy kinyo, é la wìr mòʼón yòʼ a bìnèr fo věn mvəm? Vèn kwaʼ ji bó m yòʼ kér mbòv wóo tin ven shó fo vikwàn, a bó m yòʼ kér kitar kée bòyìr ven shó à? A dzə̀ m sùŋnín suŋnín, rìbà ndzə̀v yùm, ndzə́v sí yùm, sə́ si toòŋé kilòŋ ke yumén kí, e kpùkír.

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»

Nsùyrì Nyùy 81:11

«Yii bèy, áwune vee wír vémé‑eè tèn fóo yunín mo, la vèr áwune yòʼ kfə̀n a ker kinyo ké a taŋ.

Joon 5:44

A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.

Matio 22:3

Kishiíy kí gheén, wù túm nshèelav sə́ jii, ‹Vèn ghán, e tòóy wír ve vé‑eè biiné.› Á toóy, la wìr yòʼ wìy.

Joon 5:39

Vèn rə́si tar vinyo fo Ŋwàʼ Nyùy, kwaʼtì ji dzə̀ fo vèn wíy lùŋ, a ker dzəʼə̀m yee là may. A ŋwàʼ woo shooyi kù din a dzə̀ mo m dzəə̀n.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Joon 10:10

A ké shòŋ kí dzə̀ jii, wù wìy kfə́ ji wun shóŋ njiì, e yùyrí, e laàr. M nen wìy kém ji m yii, é wíri wáa ker dzəʼə̀m yee là may, a ker feyì nyanyày.