Joon 5:39 - ŊWÀʼ NYÙY

³⁹ Vèn rə́si tar vinyo fo Ŋwàʼ Nyùy, kwaʼtì ji dzə̀ fo vèn wíy lùŋ, a ker dzəʼə̀m yee là may. A ŋwàʼ woo shooyi kù din a dzə̀ mo m dzəə̀n.

Joon 5:39 Referans Kwoze

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

Lim Aŋgàa Ntum 17:11

Wír veé Juda vee fóo wáa dzə wír, aá yii kwaʼtì kinyo, e shaà veé Tesalonika. Á nèn a ker shií fó a yuurí kinyo ke Por wùn Silar. Lóo yuurí, á wàa yòŋ Ŋwàʼ Nyùy vishiíy vidzə̀m, a leéy fo fo ji kinyo ke áwune suuy ki sà kù yòʼ dzə̀ réŋ á?

Matio 22:29

Jesus bìnèr jii, «Vèn jáy vinyo feyì, a dzə̀ bìʼ fo vèn yòʼ kiìn vinyo ve ví dzəə̀n é Ŋwàʼ Nyùy, a bó á yòʼ kì sá mo vitaáví vé Nyùy vi dzəə̀n.

Aysaya 34:16

Vèn leéy, e tàr vinyo vìn vi fo Nyùy Tǎr ŋwàʼ, e yòŋ. Kí din fo ji bó nyàm e mòʼón, kìn shinə́n shí yòʼ wíy lày. Nyàm yee lumèn kù wíy a ghan wùn yee wiíy, é shinə́n shee lumèn shi kú a gbù kiwuú kimòʼón wùn à shee wiíy shi. Kí wíy a dzə bèy, bìʼ fo foon Nyùy Tàr sáʼ rə̀n. Yiì kiyoy kfə́ ji vifá vìn vidzə̀m vi báʼtí.

Lim Aŋgàa Ntum 13:27

A bó wír veé Jerusalem wùn à vév vé wòŋe yòʼ‑oò ló a kiíy ji Jesus dzə̀ Ŋgaà Lùŋèr woo shooy. Á kfən mèŋ kinyo ke aŋgàa ntum Nyùyi dinè, kinyo ke á rə́si yoŋ fo ŋwàʼ vishiíy vé bam vidzə̀m. Ku nèn yiì áwune, kinyo kee shooy ki gheén mo vé‑eè bìnèn nsaʼ Jesus ji á yúy.

Joon 5:46

A vèn kì biìmé rú kinyo ke Mooser və̀n‑eè saŋen, bo vèn lo wày sá shilív e mǒ wùn, bìʼ fo wù din a dzə̀ mo m dzəə̀n.

Jeremia 8:9

Á wíy dìn kisáŋ ke afiì, aá woómé, á lóo jìʼkìr, é dzə̀rkìtu wáa koo áwune. Mo áwune meŋen ne jí se Nyùy Tàr, bo á kér vifií a dzə̀ viné ví lèn?

Ŋwàʼ woó Rom 3:2

Vinyo vìn vi dzə̀, a ví fó rú vijuŋ. A ke kuʼùn kí dzə̀ jii, Nyùy‑iì wày kinyo kfə́ a dzə̀ aáwuné kiwo.

Maak 12:10

Bó vèn yòʼ‑oo yií ne yòŋ kinyo kee shooy fo Ŋwàʼ Nyùy à? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

Ŋgaà Yen 19:10

M nèn lò, e gbù e si wo ji m ghvə́m á wun, wù sháʼnín jii, «Màʼtì kee shooy ki. M kù dzə̀ kém sá ji ŋgaà lìm Nyùy mo vèn aàfə́r vé ve á tíy e kinyò ke Jesuse dzəə̀n. A kinyo ke Jesus kìn ki kù dzə̀ kíwun ke kí bánri wír ve á tiísi ntum Nyùy adzə̀m. Kú a ghvəm a dzə̀ Nyùy.»

Ŋwàʼ woó Rom 1:2

A Nyùy‑iì lo kàʼ vèsən e sáʼka və̀n fo ŋgùʼ, e yiì, aŋgàa ntum vəə́ sáŋ ŋkàʼmé woo shooy e ŋwàʼ wo dzəə̀n ji və́.

Lim Aŋgàa Ntum 26:27

Nyàr, bó Fòn yoʼ biìmé sa vinyo ve *aŋgàa ntum Nyùy à? M kì ji Fòn biìmé.»

Joon 7:52

Á nèn dzə̀r shó jii, «À dzə̀ sá e ŋgoo wìr woó Galeli fèy à? Ku tàr Ŋwàʼ Nyùyi kijuŋ, áà yén ji bó yòʼ dzə̀ *ŋgaà ntum Nyùy wùmòʼ wìy fəə̀ fó Galeli foo fèn.» [

Joon 5:32

Yii bèy, a wìr wùmòʼ dzə̀ shó wo wù naarì kinyo kém, a m kì ji kinyo ke wù din ki dzə̀ ke ru kí.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

Remrí 18:18

M wíy tum ŋgaà ntum wùmòʼ fo áwuné wùn moo wò, wír, a wù wíy fəə a dzə̀ fo áwuné mvəm. M wíy way jí sém é shuù wo, é wù wáa suúy kinyo kidzə̀m ke m yòŋèn shó aáwune.

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Nsùyrì Nyùy 16:11

À wíy dìn mo dzə́ə ye dzə̀ m shaà shó, e bóo lùŋ. M lóo dzə e wò si, é m wáa ker kishéʼrì ke kuʼùn kí. Mo à dzəə̀n e mǒ koy yìyí, m kù yú vijuŋ, e dù, e jòʼsì.

Ŋwàʼ Luk 16:31

Abraham bínér shó jii, ‹Aáwune tèn fó yuurí kinyo ke Mooser wùn à ké *aŋgàa ntum Nyùy ki, bo bó yòʼ dzə̀ áwune yuùrí sá ké wìr wo wù kpuun, e bóo kfən.› »

Ŋgàn 6:23

Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Joshua 1:8

Lá à yòʼ wìy yàr fó a yòŋ Ŋwàʼ Nsər və̀n. Á yòŋ, a rə̀tì e shùy wùn à vitsə́ʼə́. Kú a yen ji à wáa yunín a kinyo kidzə̀m ke kí dzəə̀n shó, é dzə́ə sé si nèn a ran, é vinyo vé vi wáa ghan kijuŋ.

Remrí 32:47

Bó nsər sìn si yòʼ dzə̀ kilélé kén. Dzə̀ dzəʼə̀m yén féyì feyì. Vèn lóo lèm, é vèn wìy bònen shìíy e nsay ye vèn líysin ndzə́v yee Jordan, e yòv.»

Hibru 11:16

Ke kí dzəə̀n kí dzə̀ jii, áwune‑eè taʼ a dzə̀ á woŋ wo wú shaàn woo fen, a woo shooyi dzə̀ woó yuv. Mo vé‑eè sí yú a dzə̀ fo Nyùy, bo bó yòʼ‑oò dzə̀ wù wàa woomé fo áwune wáa yòŋ wun ji Nyùy wov. A dzə̀ á wàa yòŋ, bìʼ fo wù‑uù lo nàŋsín rú láʼ, e lèm aáwune.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Ŋwàʼ Luk 16:29

«Abraham bìnèr jii, ‹Áwune kér ŋwàʼ wo Mooser wùn aàŋgàa ntum Nyùyi‑iì saŋen, a dzə̀ áwune wàa yuurí vinyo ve á suuyì.›

Daniel 12:2

Màŋgòŋ wo wù buúne lèn e sày wíy fəə fo kpu, aámóʼó nəə́ é dzə̀ʼə̀m yee là may, aámóʼó nəə́ é nshoórmé wùn ǎ nshéʼmé woo là may.

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Nsùyrì Nyùy 21:4

Wù‑uù lòn ji à kim á dzəʼə̀m rə́, à kím, e fò dzəʼə̀m sho e da wùn à rámé là may.

Nsùyrì Nyùy 1:2

Vifií vé ŋwèrín ví kù tíy a dzə̀ é Ŋwàʼ Nsər Nyùy Tàr, a wù nèn yoŋè, kwaʼtì sho ghán sidzə̀m, à shùy, à vitsə́ʼə́.

Nsùyrì Nyùy 133:3

Shuu woo mòʼón və̀ne rəsìn moo ŋweʼ yeé Gwan Hermon, a sì yíwun ye yí gbu lèn aàgwan veé Sion. Dzə̀ é Sion fèn fo Nyùy Tàr yii vinyo ve wù‑uù kàʼàn, ŋkàʼmé wo dzəə̀n dzəʼə̀m yee là may.

Hibru 11:35

Vikìy ámóʼó wáa way shilív e Nyùy wùn ji dzə̀ á wù fə̀ə́r wír vév fó kpu, wù nèn a fətí. Wír ámóʼó wáa biimé kév a dzə̀ kpú, bìʼ fo vé‑eè kiìn ji Nyùy kù wíy fəə́r áwune, aá wáa ker dzəʼə̀m ye yí shaàn yeé nsay fèn. Vé‑eè táy áwune, nyavrì sho, a bó yòʼ‑oò dzə̀ á shàʼnín Nyùy ji á fíʼ màʼtì áwune gheéy.

Remrí 29:29

«Vinyo vímóʼ ví dzə̀ ve Nyùy Tàr woo Nyùy wòsən lèmèn é kilìtì. Yii bèy, wù fò ne nsər sə́ e vèsən à ŋgwàʼ sesən sí. Vèsən ku nèn a lèm sidzə̀m, e wìy dù, e mày.»

Ŋwàʼ Luk 24:25

Jesus nèn sùúy aáwune jii, «Vèn yùŋsí feyì, melív men mè rəə́y é ŋàŋ, la vèn yòʼ a biimé vinyo ve aŋgàa ntum Nyùyi‑iì saŋen.

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Maak 10:3

Jesus dzə́r kfə́ jii, «Mooser‑iì fò nsər e vèn ji ka?»