Joon 5:37 - ŊWÀʼ NYÙY

³⁷ Tàr wor wáa tum mo, a wù‑uù sí rə́si naarì mo m dzəə̀n, a bó vèn yòʼ yii yú mo wù súŋninè, a bó á yòʼ yén sa mo wù dzəə̀n.

Joon 5:37 Referans Kwoze

Joon 8:18

Mo m naarì kitú kém, dzə̀ réŋréŋ mo Tàr wor wo wù tumen mo naarì sa mo m dzəə̀n.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

Joon 14:9

Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Remrí 4:12

Nyùy Tàr nèn sùŋnín e vèn fó mvə̀m və̀y, a vèn yú a dzə̀ kisúŋnìn, aá yòʼ yén wír. Vèn kù‑uù yú a dzə̀ jí rə.

Ŋwàʼ Fəə 20:19

Á nèn sùúy e Mooser jii, «Kù yíi a suŋnín wò e vèr, é vèr wáa yuurí. Lá à yòʼ màʼtì, é wáa suŋnín Nyùy e vèr, fo kpúu li ver.»

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Aysaya 26:10

Aá lò, a yiì a dzə̀ vinyo ve juŋ vi e wír ve á méŋ Nyùyi, bo bó yòʼ dzə̀ féyì, áwune wìy yèʼéy kinyo kee tínén é nsànloŋ. Fə̀m mo á dzə́ e nsay ye wír vee fóo tíy e suuyrú, áwune kù dzəə́ lóʼ kiloʼ, a bó áwune yòʼ dzəə́ wìy binsí vikuʼùy vé Nyùy Tàr.

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Joon 5:32

Yii bèy, a wìr wùmòʼ dzə̀ shó wo wù naarì kinyo kém, a m kì ji kinyo ke wù din ki dzə̀ ke ru kí.

1 Joon 5:9

Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.