Joon 5:36 - ŊWÀʼ NYÙY

³⁶ «Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 5:36 Referans Kwoze

Joon 10:25

Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 2:23

Jesus ku nèn a dzə e Jerusalem e ghan sé Ŋkǎʼ Yáʼayshaà sìn, a yiì viŋgaʼnìn ve vinyò, ví wáa dìn vitaáví vé Nyùy. Wír aníne wáa yen, a way shilív é wùn wó.

1 Joon 5:9

Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Matio 11:4

Jesus dù, e bìnèr jii, «Vèn kfə́n é bàm, e fèr vinyo ve vèn yú, kfə̀n yén vi e Joon.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 5:32

Yii bèy, a wìr wùmòʼ dzə̀ shó wo wù naarì kinyo kém, a m kì ji kinyo ke wù din ki dzə̀ ke ru kí.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 11:37

Aámóʼó nye kév a dzə̀ lám jii, «Jwè və̀n‑eè lo mvə̀ʼ sí mfìr, yì‑iì yiì ka lèn, la wù yòʼ tàŋ Laasaror fo wù kpú?»

Ŋwàʼ Luk 2:49

Wù nèn bìnèr jii, «Vèn kì taʼ mo táʼan ji ka? Bó vèn yòʼ kì ji m kù kér fó a dzə e Tàr wór lav fèn à?»