Joon 5:34 - ŊWÀʼ NYÙY

³⁴ A bó m yòʼ fə̀m leey ji wáa naàrì wír mo kinyo kém kí dzəə̀n. M suuy kin cáʼcáʼ ji vèn fiʼ biìmé, e wìy lùŋ.

Joon 5:34 Referans Kwoze

1 Joon 5:9

Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

1 Timoti 4:16

Kú a tiír kiwúu ké ki, a fìʼ, e kfə̀n a sayrí, fo jay nəə́ e wò kinyò ke à yéʼeyì. Kú a yiì bèy, áà nèn sə̀ kitú ké, e kfə̀n sə̀ sá wír ve á yuúri kinyo ké, é vèn áwune wìy lùŋ adzə̀m.

1 Korin 9:22

M kfə́n lóo dzə vèr à wír ve bó á yóʼ ne kìíy vinyo, aá nyaʼ vifá vímóʼ ví, m nèn kfə̀n sá moo áwune ji m fíʼ koóy sa áwune. A wìr fə̀m dzə̀ é le, a wù dzə̀ é le, bo m kù kfə́n moo ŋgaàŋ ji m fíʼ mùm kinyo ke dzə̀ m yiì, aáwune wìy lùŋ.

Ŋwàʼ woó Rom 10:1

Afə̀r vem, kinyo ke kí tíy e mǒ shiliv féyì, a m lón fo Nyùy ki dzə̀ jii, wír veé Isray vìne ku waà wìy lùŋ.

Ŋwàʼ woó Rom 3:3

Yii bèy, a bó ámóʼó yòʼ‑oò ló a way shilív shó. Mo áwune‑eè màʼàyìn kinyo ke Nyùy foon aáwune, a dzə̀ wù màʼày sá áwune, e làa yòʼ dzə́ə yiì kinyo ke wù‑uù kàʼàn áwune shó a?

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Ŋwàʼ woó Rom 12:21

Kidzə̀m ki nén a dzə jii, lá vèn yòʼ fò á kintóʼ e kinyo ke bi kí. Vèn wáa yiì vinyo ve juŋ vi, a so ve bi ví shó.

Ŋwàʼ woó Rom 10:21

A Nyùy suuy ké wìr veé Isray jii, «M kù rə́si shiy wír vìn ji m mán vinyo vév, aá kù táv kitú, fáŋnin fàŋnín.»

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Ŋwàʼ Luk 13:34

Wù nèn yòŋ jii, «Éè Jerusalem, éè Jerusalem, à yúyri aŋgàa ntum Nyùy, yúyri wír ve Nyùy túm fo wò adzə̀m e tíyí. M mùm ne akàŋ anín ji m báʼti wón vé mo yeè ŋgvəv kùʼtí wón é sar vàv, la à yòʼ a biimé.

Joon 5:32

Yii bèy, a wìr wùmòʼ dzə̀ shó wo wù naarì kinyo kém, a m kì ji kinyo ke wù din ki dzə̀ ke ru kí.