Joon 5:30 - ŊWÀʼ NYÙY

³⁰ A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Joon 5:30 Referans Kwoze

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 5:19

Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Matio 26:39

Wù nèn kòʼtí fo mbìy shishàr, e nàsì fo nsay kfə̀ə́kfəv, a bùnrì jii, «Éè Tàr wor, a fèn dzə̀ ji dzə̀ à yiì, la m yòʼ nò fó bàr ŋgeʼ fèn, à kù yiì. Yii bèy, ku yiì a dzə̀ ke koŋ wò ki, lá à yòʼ yiì ke koŋ mo.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Ŋwàʼ woó Rom 15:3

Vèn kì sá jii, Jesus Kristu yòʼ‑oò ló a yiì vinyo a ji kú a yu wun vijuŋ. Wù‑uù biìmé kfə́ a dzə̀ kinyo ke vé‑eè saŋen jii, «Liy se vé‑eè shur Nyùy sho si bìnkìr, e kfə̀n a dzə̀ e mǒ kitu.»

Joon 8:50

M yii bèy, a bó m yòʼ leey ji wíri wáa burí a dzə̀ mo. Kù gwarìr Nyùy kee shooy, a kù wíy bìnèr wun fo fo.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Nsùyrì Nyùy 96:13

Á kú a sheʼrí wun, bìʼ fo wù sí wiyì, a wù wiy ji wun sáʼ kitú ke nsay. Wù yíi a saʼ kitú ke nsay là kiloʼ, a saʼ vitúm e suuyrú və.

Joon 18:11

Jesus suúy e Pita jii, «Siìr nyùy yè e kiburúʼ. À taʼ, e shèm fo m nó bàr ŋgeʼ wo Tàr wor fó e mò və̀n à?»

Kèʼlo 18:25

Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Ŋwàʼ woó Rom 2:2

Vèsən yii bínsi jii, a Nyùy màʼ ŋgeʼ e wír ve á yii kfə́ə vinyò vee shoone, bo wù yiì a réŋ.

Aysaya 28:6

Wù wíy yeʼéy vilìmbìy, é ví wáa tinén nsaʼ se wìr dzə̀m, kù mo wìr yeʼeyin. Wù kfə̀n wíy fo vitaáví e wír ve á shiy kay yeé kitume, fo aŋgàa vibàné gvə́ytí, e nə̀ə́ kay, e ghìʼ e rə́r sí.

Tsəfaniya 3:15

Nyùy Tàr tsə̀ʼ ne ŋgeʼlàʼ yen, wù jùm ne aŋgàa vibàn vén. Nyùy Tàr woo Fon wìr veé Isray dzə̀ vèn áwune. Vèn yòʼ dzəə́ wìy a fàn ŋgeʼ yìmòʼ.