Joon 5:26 - ŊWÀʼ NYÙY

²⁶ A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Joon 5:26 Referans Kwoze

Joon 11:26

bìʼ fo, a wìr dzə́ lèn, wáy shilív e mǒ wùn, bo bó wù yòʼ wíy nəə́ e kpu yee ŋkuuŋkùŋ. À ku yòʼ biìmé bèy a?»

Joon 1:4

Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

Ŋwàʼ Fəə 3:14

Nyùy suúy e Mooser jii, «Yír yémé dzə̀ ji DZƏ̀ MO WO DZƏƏ̀N MO. À yíi suúy e wír veé Israyi ji tùm á DZƏ̀ MO wò fo áwuné wùn.»

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Jeremia 10:10

Yii bèy, dzə̀ wò Nyùy Tàr, Nyùy wo ru. Dzə̀ wò Nyùy wo tin, a vifon vé ví wíy shaàrì. Aà shwìíy kilòŋ, kitú ke nsay ki sə̀ʼsì, dòʼshwíiy wò kóʼ, la vitúm vi yòʼ tìím.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

1 Korin 15:45

Vé‑eè sàŋ é Ŋwàʼ Nyùy jii, «Nyùy‑iì bòm Adam, wo dzəə̀n wir mbìy, e fò kiyoy sho, wù wáa yòy, a dzə e tin.» Yii bèy, ké Jesus Kristu wo dzəə̀n Adam wo wù jòʼsìn bám kí nén a dzə jii, wù dzə̀ kfə́ Kiyoy ke kí yii, bo wíri wáa lùŋ.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Lim Aŋgàa Ntum 17:25

a bó yòʼ dzə̀ sá wù wàa leéy ji wìr lim fo wun mo wun woo Nyùy kì búŋ kifá. Yii wun, bo wìr dzə̀m wáa yòy, a ŋèʼ, a ker vifá ve á kér shií shó vidzə̀m.

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

Nsùyrì Nyùy 90:2

À kù‑uù sì Nyùy, é bo agwane wáa dzə. À kù‑uù sì Nyùy, e bóo wìy a bom kitú ke nsay wùn à wóŋe. Aà kù wíy a dzə Nyùy, e dù, e jòʼsì.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»

Joon 6:57

M dzə́, a kù yii vitaáví vé Tàr wor wo wù tumen mo, bo m wáa dzə, wun woo Tàr wor wo wù kù dzə́ a dzə̀ fo wùn vitaaví. Dzə̀ réŋréŋ sá mo vém vee vitaáví ví yii, bo wìr wo wù yí wún wóm wáa dzə.

Joon 10:18

A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Joon 11:25

Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.