Joon 5:25 - ŊWÀʼ NYÙY

²⁵ Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Joon 5:25 Referans Kwoze

Joon 5:28

«Lá vèn yòʼ a ker gháʼ e kinyò fèn. Vèn kú a kiíy rú ji ghán sí wíy gheén, é wír ve vé‑eè kpukin ne adzə̀me yú jí Wàn Nyùy, e fəə̀kír fo sày,

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

Efesor 2:5

Mo vèsən fə̀m‑eè kpuun fo wùn mbìv, bìʼ fo vé‑eè méŋ wun, wù ku yòʼ tàtí vèsən à Jesus Kristu, e fə̀ə́r fo kpu. A bó yòʼ‑oò dzə̀ vèsən lùŋ. Wù‑uù bùʼ vèsən búʼun.

Joon 4:23

Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.

Ŋgaà Yen 3:1

Wìr wo mò‑oò yenen və̀y nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Sardis. A wú dzə̀ jii: «Kinyo kìn ki sùúy mo wo kiyoy kee saàmbàwìr wo dzəə̀n wo Nyùy wùn à shijiy shee saàmbà shi dzəə̀n e mǒ kiwo. M kì vinyo ve vèn rə́si yii vidzə̀m, a ví yénsin ji vèn dzə̀ atin fo Nyùy mbìv. Yii bèy, a vèn kpù ne kpuún fó fo.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Kolosia 2:13

Yì‑iì dzə̀ fó mbìy, a vèn kpú ne fo Nyùy mbìv, bìʼ fo melív men mè kù‑uù yú a dzə̀ fo mensə́ men mè, e làa yòʼ a yu ké Nyùy gheéy. Wáa dzə lèn, a vèsən à Kristu tátí ne, Nyùy nen làysìn ajay vesən, e lì vèsən, e wày é dzə̀ʼə̀m ye fíyi.

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Ŋwàʼ woó Rom 6:4

Mo vé‑eè wayin bey, bo vé‑eè dzəə̀mè vèsən à liì wòsən wo mvə dzə́əmen. A kí dzə̀ jii, vèsən à Kristu tàtí, e kpù, e dù e sày wír adzə̀m, vèsən kfən fəə̀ fó kpu foo fèy réŋréŋ mo Tàr wòsən Nyùy‑iì fəərin Kristu e vitaáví və́ ve ghaʼán ví. A vèsən fəə̀ bey ji vèsən fíʼ a dzə lèn, a ker liì a dzə̀ woó dzə̀ʼə̀m ye fíyi.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Ŋwàʼ Luk 15:24

Mò‑oò kí ji wan və̀n kpù ne, wù kfə́n lèn, a wù dzə̀ e tin. Wù‑uù lày ne, bo m kfən yèn.› Wù suúy bey, á nèn kèʼ vinyo, a yikír, a dzən kidzə́n.

Ŋwàʼ Luk 9:60

Jesus bìnèr jii, «Màʼtì kee shooy ki, é wír ve á siìn ji aŋkfəə wìy a dzəə̀mè aŋkfə vév. Ku dù ké ki, a fìʼtì a dzə̀ mo sáʼ Nyùyi dzəə̀n.»

Joon 4:21

Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Ŋwàʼ Luk 15:32

Yii bèy, a dzə̀ wòsò kù a sheʼrí ké fər wò kìn. Vé‑eè kí ji wù kpù ne, wù wíy, a wù dzə̀ e tin. Wù‑uù lày ne, wòsò kfən yèn lèn.› »

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 6:60

Aŋgaà və́ ŋgoo yuúri yéʼéy rə̀n, kùʼùn wìr nèn lò, a nyàysì ji lám vəə́ tàv á feyì. Bó yòʼ dzə̀ wìr rə̀sí, a yuurí a kinyo kee ben.

Joon 9:27

Wù bìnèr jii, «M kì sí suuy, la vèn yòʼ a tàʼ ji á yú. Vèn kfə̀n taʼ, e yu lèn, e yèe le? Vèn taʼ a jùmrì sa kinyo ke wìr woo shooy à?»