Joon 5:22 - ŊWÀʼ NYÙY

²² A bó Nyùy Tàr yòʼ wíy a tinén nsaʼ wìr wùmòʼ gheéy. Wù fò ne kee shooy kee kilíŋ a dzə̀ e Wan və,

Joon 5:22 Referans Kwoze

Joon 5:27

Wù kfən fò vitaáví shó ji wáa tinén wun woo Wán nsaʼ wìr dzə̀m, bìʼ fo dzəə̀n wun wo yírí dzəə̀n *Wanwìr.

Lim Aŋgàa Ntum 17:31

A wù suuy bèy, bìʼ fo wù‑uù sìysìn ne kishiíy ke á wíy a saʼ nsaʼ wìr dzə̀m, a tinén réŋréŋ mo yì dzəə̀n. Wù‑uù shòʼ ne wír wo wù wíy tinén nsaʼ yee shooy, e lòo fəə́r ŋgaàŋ fo kpu, e dìn, wìr dzə̀m yén ji kinyo kee shooy ki wíy koóy rú.»

2 Korin 5:10

A vèr kì jii, vèsən adzə̀m kér fó wìy tiím e Kristu si, é wù tar vinyo vesən, é wìr wáa kav kifá a dzə̀ ke wù‑uù lim e nsay fèn, kìn dzə̀ vijuŋ, kìn dzə̀ vibí.

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Lim Aŋgàa Ntum 10:42

wù wáa suúy e vèr ji á wáa fìʼtì kinyo ke Nyùy e wíri, a suúy a jii, Nyùy‑iì lèm a dzə̀ wun woo Jesus ji wír wo wù wíy saʼ nsaʼ wìr ve tine wùn aàŋkfəə.

Joon 9:39

Jesus lò, e sùúy jii, «M wìy e ndzə fèn ji m sáyrí wíri, é wír ve dzəə̀n amfìri wáa yen virə́ʼ, é ve á kwaʼ ji á yén virə́ʼə́ kfə́n ji amfìr.»

2 Timoti 4:1

M nen kfə̀n a tiír kinyo kímóʼ kí e wò wùn, a m suuy bèn, tiir a dzə̀ Nyùy fo mbìy, kfə̀n tiir Jesus Kristu wo wù wíy saʼ nsaʼ wìr dzə̀m, kìn dzə̀ ve tíne, kìn dzə̀ aŋkfə. Mo wù kù wíy kfən, e neèr sáʼ rə́ vifòn, m nén a suúy e wò ji

Ŋwàʼ woó Rom 2:16

A kù dzə̀ mo sáʼka Nyùy wo m fiʼtì və̀n din ji Nyùy wíy tinén nsaʼ wìr dzə̀m. Wíy lòo dzə e kishiíy fóo fèy, é wáa ghemrí Taàtá Jesus Kristu vinyo ve wíri lem aáwuné meliv vidzə̀m, e bó a tinén nsaʼ yev shó.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

1 Pita 4:5

Yii bèy, lá vèn yòʼ a ghay. Vèn wáa kuumé ji kishiíy kí wíy gheén, aáwune tiím e wun woo Ŋgaà Saʼ wo wù sáʼ wír ve tíne wùn aàŋkfəə́ si, e bìnèr fo vinyò ve á buʼtì vìn.

Nsùyrì Nyùy 96:13

Á kú a sheʼrí wun, bìʼ fo wù sí wiyì, a wù wiy ji wun sáʼ kitú ke nsay. Wù yíi a saʼ kitú ke nsay là kiloʼ, a saʼ vitúm e suuyrú və.

Matio 16:27

«Vèn wáa kiíy jii, ŋgaà wo yírí dzəə̀n ji Wanwìr wíy lòo kfən wùn à nshèelav sə́ sí, a wù sí wiy a dzə̀ é mvə̀m vikùʼùy ve dzəə̀n vé Tàr wov Nyùy, é wù wáa laamé wir dzə̀m mo wù‑uù yiìn.

Nsùyrì Nyùy 98:9

Á wáa yòv, a səəsí Nyùy Tàr, wun, wo wù wiy ji wun sáʼ á kitú ke nsay. Wù wíy a saʼ wir dzə̀m e dzəə yee réŋ, a saʼ vitúm e dzəə yee tìítiy, là kiloʼ.

Joon 3:35

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Ŋgaà Tàrvìnyò 11:9

Wánlè nsùm, yuúrí. Á yu vijuŋ vé vi lèn wo à dzəə́ yii vinsùm. Mo à yii vinsùm, kú a sàvnìn kishiíy kidzə̀m. Á yiì kinyo ke à kwàʼtìn kí, a yiì ke shilív shé shi báŋri ki. Yii bèy, kú a kiíy ji Nyùy kù wíy tiír wò e kibàʼ ke nsaʼ fo vinyò vidzə̀m ve à yiìn.

Ŋgaà Tàrvìnyò 12:14

Kinyo kidzə̀m ke wìr yii ki dzə̀, a Nyùy wíy tàr kidzə̀m, kìn dzə̀ ke juŋ ki, kìn ke bi kí, kìn ke á yiìn é kilìtì.