Joon 5:21 - ŊWÀʼ NYÙY

²¹ Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Joon 5:21 Referans Kwoze

Ŋwàʼ woó Rom 8:11

Kí nen kfə̀n a dzə jii, a Kiyoy ke Nyùy wo wù‑uù fəərin Jesus Kristu fo kpu ki dzə̀ e věn meliv, bo Nyùy wíy yiì sa, é wún wón wo wú wíy kpu və̀ne kfən fəə̀ fó kpu a dzə̀ bìʼ Kiyoy ke kí siìn shó.

Remrí 32:39

«Vèn yén ri lèn, dzə̀ mo, a kù mày mo Nyùy. Bó Nyùy wùmòʼ yòʼ kfə̀n dzə̀, e shaà mo. Kù lo, yùyrí mo wír, a kù siì fó mo dzəʼə̀m e wìr. Kù lémer mo wír, a kù kfə̀n fer mo. Kinyo ke m wayin ji m kù‑úù yii, bó yòʼ dzə̀ wìr sə̀r.

Joon 11:25

Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

Lim Aŋgàa Ntum 26:8

A m dzə́r e Fòn wùn à wíri adzə̀m jii, á sà yén, a kí gháʼ Nyùy fo wù fəə́r wíri fó kpu bìʼ ka á?

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

2 Afòn 5:7

Fòn woó Isray leéy ŋwàʼ və̀y, e nèn saàsì ndzə̀y sə́, e sùúy jii, «M dzə̀ Nyùy à? M kér vitaáví vée yuyrí wír, e kfə̀n yiì, é wù luŋ a? Yiì ka, é bo wìr və̀n wáa tsənsí wír wo wù joy shivnsay ji m fer? Vèn leéy, é vèn yén ji wù taʼ a dzə̀ á melaà vèr wun.»

1 Afòn 17:21

Elija nèn nàsì wún e wǎn kitu akàŋ ataár, e bùnrì Nyùy Tàr jii, «Éè Nyùy Tàr woo Nyùy wom, ku siìr kiyoy ke wan və̀n ki é bàm.»

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

1 Korin 15:45

Vé‑eè sàŋ é Ŋwàʼ Nyùy jii, «Nyùy‑iì bòm Adam, wo dzəə̀n wir mbìy, e fò kiyoy sho, wù wáa yòy, a dzə e tin.» Yii bèy, ké Jesus Kristu wo dzəə̀n Adam wo wù jòʼsìn bám kí nén a dzə jii, wù dzə̀ kfə́ Kiyoy ke kí yii, bo wíri wáa lùŋ.