Joon 5:19 - ŊWÀʼ NYÙY

¹⁹ Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Joon 5:19 Referans Kwoze

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 10:18

A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Ŋwàʼ woó Rom 8:11

Kí nen kfə̀n a dzə jii, a Kiyoy ke Nyùy wo wù‑uù fəərin Jesus Kristu fo kpu ki dzə̀ e věn meliv, bo Nyùy wíy yiì sa, é wún wón wo wú wíy kpu və̀ne kfən fəə̀ fó kpu a dzə̀ bìʼ Kiyoy ke kí siìn shó.

Joon 9:4

Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Ŋwàʼ Luk 21:15

Wíy way mo jí si e věn shuù, e fo ven vifií, a bó yòʼ dzə̀ aŋgaà vén gòvi wìy kìíy mó a bìnèr, a kìnèn kinyo kén.

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

2 Korin 5:10

A vèr kì jii, vèsən adzə̀m kér fó wìy tiím e Kristu si, é wù tar vinyo vesən, é wìr wáa kav kifá a dzə̀ ke wù‑uù lim e nsay fèn, kìn dzə̀ vijuŋ, kìn dzə̀ vibí.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Kèʼlo 1:26

Nyùy nèn sùúy jii, «Vèsən fer wíri e vèsə́n nshwìnín, aá wáa dzə moo vèsən, e yiì, aáwune wáa ker vitaáví vé a leéy sə́ si wùn à menə́n mè, à nyám seé laʼ wùn à seé kwaʼ si, à vifá vidzə̀m ve ví ŋaŋrì e nsay, e kfə̀n a saʼ kitú ke nsay kidzə̀m.»

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Ŋgàn 2:6

Rúrú, kù fó Nyùy Tàr vifií ve ru ví. Kù yii jí sə́, é bo wìr wáa kiíy vinyo, e kfə̀n a gwàrìr vinyo kijuŋ.

Nsùyrì Nyùy 138:3

Mò‑oò tòŋ e wò, à yú tóŋ yém, e tàvír shilív shém, e fò mo vitaáví.

Nsùyrì Nyùy 50:6

Rúrú, yúví din ji Nyùy dzə̀ là kiloʼ. Kù mày wun wo dzə̀ wù tìnén nsaʼ wìr dzə̀m.

Kèʼlo 1:1

Yì‑iì dzə̀ fó mbìy, Nyùy‑iì bòm yúv wùn à nsay.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

Kolosia 1:16

A kí dzə̀ jii, Nyùy‑iì wày á vitaáví vidzə̀m a dzə̀ e wùn kiwo, wù bóm vifá vidzə̀m. Wù bóm veé yuv, e bòm veé nsay, kìn dzə̀ vifá ve á yéné, kìn dzə̀ ve bó á yòʼ yéné. Ku kfə̀n bòm wun vifá ve ví kér vitaáví é ndzə vidzə̀m, kìn dzə̀ nshèelav se Nyùy, kìn dzə̀ *anyùy ve á ghán e shwer. A Nyùy‑iì fò vitaáví, wù bóm vifá vidzə̀m bèy ji ví wáa yu a dzə̀ á fo fo.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Efesor 3:16

Mo dzəə̀n wun wo kuʼùn, a vifá vidzə̀m vi dzə̀ a dzə̀ e wùn kiwo, m nén a lon ji wù ku yiì, é Kiyoy kfə́ kí wáa tavír ven, é vèn wáy gháŋ, é melív men mè wáa lùm e wùn kinyò ghán sidzə̀m.

Efesor 2:5

Mo vèsən fə̀m‑eè kpuun fo wùn mbìv, bìʼ fo vé‑eè méŋ wun, wù ku yòʼ tàtí vèsən à Jesus Kristu, e fə̀ə́r fo kpu. A bó yòʼ‑oò dzə̀ vèsən lùŋ. Wù‑uù bùʼ vèsən búʼun.

2 Korin 4:14

a kiíy ji wun woo Nyùy wo wù‑uù fəərin Tàr wòsən Jesus fo kpu kù wíy fəə́r saa vèsən vee wír Jesus adzə̀m, e way e wun woo Jesus kiwo, é vèsən áwune wáa dzə.

1 Korin 15:12

Mo vèr áwune fiʼtì ji Kristu‑uù fəə̀ fó kpu, kí ghán é le, bo wìr kfən lò fo věn mvəm, a kìnèn ji wíri yòʼ wíy fəə fo kpu?

Ŋwàʼ woó Rom 6:4

Mo vé‑eè wayin bey, bo vé‑eè dzəə̀mè vèsən à liì wòsən wo mvə dzə́əmen. A kí dzə̀ jii, vèsən à Kristu tàtí, e kpù, e dù e sày wír adzə̀m, vèsən kfən fəə̀ fó kpu foo fèy réŋréŋ mo Tàr wòsən Nyùy‑iì fəərin Kristu e vitaáví və́ ve ghaʼán ví. A vèsən fəə̀ bey ji vèsən fíʼ a dzə lèn, a ker liì a dzə̀ woó dzə̀ʼə̀m ye fíyi.

Lim Aŋgàa Ntum 2:24

Wù nèn fə̀ə́r Jesus fo kpu, wù bòy fo sày, bìʼ fo bó yòʼ‑oò dzə̀ kpúu ghàtí wun, a ker fo moo wir sháŋ.

Joon 2:19

Wù bìnèr jii, «Vèn ker lav cù rə̀n, vishiíy ví lóo meé vitaár, a m siír ne fo.»

Aysaya 44:24

Nyùy Tàr wo wù‑uù tinen ven, wun feyì wo wù‑uù bomen ven, e nàŋsín e bvə̀m, wù suuy jii, «Dzə̀ mo Nyùy Tàr wo m bomen kifá kidzə̀m. Kù‑uù bòm mo yúv, e sàŋrì fo, e bòm nsay, yì wáa neŋ ji moòr. Dzə̀ la wo mò‑oò yii vinyo vìn, a wù dzə̀ fó?

Ŋwàʼ Fəə 4:11

Nyùy Tàr nèn dzə̀r e wun jii, «Lo fò la shuu e wìr? Lo yiì la, bo wìr wáa dzə nsəərì kìn ji kindzə̀mer? Lo yiì la, bo wìr wáa yen virə́ʼ kìn ji wù wáa dzə mfìr? Bó yòʼ dzə̀ mo woo Nyùy Tàr a?

1 Tesalonika 4:14

Vèsən biìmé ji Jesus‑eè kpù, e kfə̀n fəə̀ á fo kpu. Mo vèsən kiìn kee shooy, vèsən nén a kiíy sa jii, Jesus wíy lòo kfən, é Nyùy fəə́r á wir dzə̀m wo wù wayin shilív e Jesus wùn fó kpu réŋréŋ mo wù‑uù fəərin sá wun woo Jesus.

Aysaya 45:24

Wíri wíy a yòŋ kee kùm mo jii, ‹Vinyo vee réŋ wùn à vitaáví ví kù lo a dzə̀ fo Nyùy Tàr cáʼcáʼ.› » Wìr dzə̀m wo wù ban Nyùy Tàr kù yíi wìy, é wù yii, aáwune wáa woomé.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

Nsùyrì Nyùy 27:14

Éè wan ŋkfə wìr, ku tìír rì vifií ví a dzə̀ e Nyùy Tǎr wùn. Tiím kitávín, e kùr shilív shí. Eènó, ku tìír vifií ví a dzə̀ e Nyùy Tǎr wùn.

Matio 26:39

Wù nèn kòʼtí fo mbìy shishàr, e nàsì fo nsay kfə̀ə́kfəv, a bùnrì jii, «Éè Tàr wor, a fèn dzə̀ ji dzə̀ à yiì, la m yòʼ nò fó bàr ŋgeʼ fèn, à kù yiì. Yii bèy, ku yiì a dzə̀ ke koŋ wò ki, lá à yòʼ yiì ke koŋ mo.»

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 12:50

A m kì ji ntum ye wù tumen mo shó rə̀n dzə̀ ye yì fó dzəʼə̀m yee là may. M nén a fìʼtì kinyo ke m fiʼtì kidzə̀m a dzə̀ kíwun ke Tàr wor tumen mo shó.»