Joon 5:17 - ŊWÀʼ NYÙY

¹⁷ Jesus nèn lò, e tòʼ lám aáwune jii, «Bó Tàr wor yòʼ yii meemè lim, a bó yòʼ dzə̀ sá, m meèmè.»

Joon 5:17 Referans Kwoze

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 9:4

Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Kolosia 1:16

A kí dzə̀ jii, Nyùy‑iì wày á vitaáví vidzə̀m a dzə̀ e wùn kiwo, wù bóm vifá vidzə̀m. Wù bóm veé yuv, e bòm veé nsay, kìn dzə̀ vifá ve á yéné, kìn dzə̀ ve bó á yòʼ yéné. Ku kfə̀n bòm wun vifá ve ví kér vitaáví é ndzə vidzə̀m, kìn dzə̀ nshèelav se Nyùy, kìn dzə̀ *anyùy ve á ghán e shwer. A Nyùy‑iì fò vitaáví, wù bóm vifá vidzə̀m bèy ji ví wáa yu a dzə̀ á fo fo.

1 Korin 12:6

Wíri kfə́n a yiì sa lim sév é dzəə sí dzəə sí, a Nyùy wo wù fó vitaáví aáwune adzə̀m, bo á wáa yiì, kù mày e mòʼón.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Lim Aŋgàa Ntum 17:28

A dzə̀ réŋréŋ mo wìr wùmòʼ‑oò suuyin jii: « ‹Yii Nyùy, bo vèsən wáa ŋèʼ, a ghan, a dzə mo á dzəə̀n.› Kfə́n a dzə sa mo aŋgàa kimfèr vén ámóʼó‑oò suuyin jii: ‹Vèsən adzə̀m dzə̀ sá wón Nyùy.›

Aysaya 40:26

Ké ru kí, vèn leéy yúví, é vèn yén shúy wùn à ŋwee, à mejiy mè. Yì‑iì bòm la vifá vìn? Kù fə̀ə́r Nyùy Tàr vifá vìn e yuv, a kù kì wun vifá vee shoon e yír yir. Danèr wun vifá veé yuv e vitaáví və́ ve ghaʼán ví. Wù tàv é ŋàŋ, a bó yòʼ dzə̀ kimòʼón ki kùvsín kirə́ʼ kee fo wù‑uù lèmèn.

Lim Aŋgàa Ntum 14:17

Yii bèy, wù kú a yiì vinyo ve juŋ vi e wíri, aá fíʼ a kiíy ji wun dzə̀ á sho. Wù fó ven wuú é ghan se gheenén sí, a vifá vi kúyí, a vèn kér vifá ve yi, yí, shéʼri.»

Matio 10:29

Vèn kì sá jii, á yii fiinè menə́nə́n mebaà là kinyè ke mbàm, a bó yòʼ dzə̀ shimòʼón tùm é nsay, a bó Nyùy kì fó fo.

Nsùyrì Nyùy 65:6

Wò‑oò tùúy agwan fo á dzə̀kìn, e dìn vitaáví vé ve ghaʼán ví.

Joon 5:16

Mo Jesus‑eè yiìn kinyo kìn a dzə̀ é kishiíy ké bam, vé wòŋe nèn kèʼ, a ròn wúu rə́.

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.