Joon 5:14 - ŊWÀʼ NYÙY

¹⁴ Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»

Joon 5:14 Referans Kwoze

Joon 8:11

Wù bìnèr jii, «Taàtá, wìr yoʼ sùúy.» Jesus nèn sùúy jii, «A bó yòʼ dzə̀ sá, m sùúy. Ku yòʼ a dù. À du, lá à yòʼ dzə́ə a bùʼtì vinyo.»]

Nsùyrì Nyùy 118:18

Nyùy Tàr màʼ ne ŋgeʼ ye wiy e mò, yii bèy, e làa yòʼ fo mo e kpúu.

Nehemia 9:28

Mo áwune kooyin rəsìn, e nèn kfə̀n yiì liì kisaŋ e wò si, à kfən wày áwune áàŋgaà vév vibàné wo, á wáa saʼ, a tay áwune. Áwune kúvsín liì wov, e kfə̀n tòŋ, e kàn wò, à yú tóŋ yév é yuv. À kù‑uù boyìr áwune akàŋ akàŋ bìʼ shammèndzə̀n wò.

Cù 26:27

«Vinyo ve ghaʼtín vin vi kooy bèy, vèn kfə́n tén fó a yunín mo, kú lóo meŋ mo méŋén,

Maak 2:5

Jesus yén mo áwune wayin shilív e wun wùn é ŋàŋ, e nèn sùúy e ndzə́m və̀y jii, «Ŋkàr yem, á làysìn ne vinyo vé ve bi ví.»

Aysaya 38:20

Nyùy Tàr lùŋèr ne mo, bìʼ bey, e dù, e meé mo vèr wíy a dzə atin, vèr wíy a kùm lúŋ nshì, a sùyrì wun sho e wun lav cù.

Nsùyrì Nyùy 27:6

Á bèy, m yíi a tiy aàŋgàa vibàn vémé kitu, a vé‑eè gìŋ ne mo, e tàr, a m yíi a seerí nyám si, a cù Nyùy Tàr, a ndzəʼ wun e wun lav cù. M yíi a yòv luŋ si, a sùyrì Nyùy Tàr shó, a burí wun.

Joon 5:5

Wìr wùmòʼ wáa dzə sa fo, a wù gón ne kiyá nshòv waamé e mtaár.

2 Wòŋ 28:22

Yì‑iì dzə̀, a vinyo ve Fòn Ahas vi fóy ne fóyin, Fòn Ahas və̀n ku shaà fo mbìy, a bùʼtì vinyo ve ví wáa tinsín Nyùy Tàr, e shaà mo wù‑uù buʼtì fo mbìy.

Nsùyrì Nyùy 9:13

Éè Nyùy Tàr, ku yèn mo aŋgaà vém vibàné ron wúu yém. Shám mo, e sə̀ mo fo kpúu,

1 Pita 4:3

A dzə̀ vèn wàa yiì bèy lèn, a kuumé jii, vèn‑eè jìvír ne ghán fó mbìy sinín, a rəsí, a yiì vinyo a dzə̀ vé wìr ve bó á yòʼ kiìn Nyùy. Vèn‑eè yii liì kisaŋ, à vilum, à vikìy, a dzə̀ mo mensə́ men mè limè. Vèn‑eè nó meluʼ, baákirì, yí vitú vén, ghán, yor e lav se melùʼ, kfə̀n maysì cu anyùy kisaŋe, a Nyùy‑iì shàʼnín ne.

Cù 7:12

A wìr lò a yiì cu rə̀n, a dzə̀ yée beèrì Nyùy, bo wù yii e nyàm cù kikòŋnìn, e bóo kfə̀n dzə̀sì kibán kee là nyaà shó, kfəə́ e taár, ke á tovin meŋgvə́r shó, à ke á vèmèrìn, e bóo yoʼ meŋgvə́r shó yoʼón kí, à ke á fèrìn a dzə̀ e meŋkfəŋ me kpuún mè, e tòv e meŋgvə́r mè.

Aysaya 38:22

Hesekiya nèn lò, e dzə̀r jii, «Kisəəm ke kí yíi dìn ji m yíi koʼ e Nyùy Tǎr lav ki dzə̀ ka?»

Joon 5:13

A bó wìr və̀y yòʼ fə̀m kì wír wo wù kì fèrìn wun, bìʼ fo Jesus kì fèrìn, e nèn bìn, e lày e màŋgòŋ mvəm.

Cù 13:20

Taà cù kaʼày ŋgaàŋ, yén, a fóo shoó, e shaà juv wùn, kfə́n yén, a wuy yee fóo fəə́si, é wù nèn tòʼór ji ŋgaàŋ kér a kifàn. Dzə̀ yàsí woó jùv wùn wo wù loòn fó kinto fèy.

Nsùyrì Nyùy 18:22

Mò‑oò yúnin vinyo ve Nyùy‑iì tinen vidzə̀m, m yòʼ‑oò lo ŋwày sáʼ rə́.