Joon 4:48 - ŊWÀʼ NYÙY

⁴⁸ Jesus suúy shó jii, «Vèn dzə̀ ben, a bó yòʼ dzə̀ vèn wày shilív e mǒ wùn, a bó á yén ji m yiì kinyo ke kí wáa dìn vitaáví vé Nyùy.»

Joon 4:48 Referans Kwoze

Joon 20:29

Jesus suúy shó jii, «À biìmé lèn bìʼ fo à yenen ne mo a? A bòŋ ké wìr ve bó á yoʼ lò yèn mo, e kù yòʼ biìmé.»

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

1 Korin 1:22

Wír veé Judàa shéʼ kév, bìʼ fo á kù rə́si taʼ ji á yén á kiŋgaʼnìn ke kinyò ke kí din vitaáví vé Nyùy, a wír veé Griki taʼ kév a dzə̀ vinyo ve ví wáa dìn vifií ve ghaʼán ví.

Daniel 4:2

«M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

2 Korin 12:12

Vèsən‑eè dzə́, a m kù yú kinyo a dzə̀ ntum Nyùy, lo, m wàa yiì viŋgaʼnìn ve vinyò ve ví din vitaáví vé Nyùy, vèn wàa yen kijuŋ ji m dzə̀ rú á ŋgaà ntum Jesus Kristu.

Ŋwàʼ woó Rom 15:19

A wù lo, wù yiì, m wàa yiì viŋgaʼnìn ve vinyò, a ví din vitaáví vé Nyùy, kfə̀n yiì, m wàa fìʼtì kinyo, Kiyoy ke Ranén kí wàa lùmèr melív me wíri, á wàa biimé. A kù dzə̀ mo mò‑oò kèʼèn fó Jerusalem, a ghan, a fìʼtì sáʼka Nyùy woo kùm Kristu feyì, e dù bèn, e dù, e mèé e wòŋ woo Ilirikum, wìr dzə̀m wáa yu.

Lim Aŋgàa Ntum 14:3

Por wùn Banabar ku yòʼ a dzə fo ntàmda, a fìʼtì kinyo ke Taàtá Jesus tèéter, a naàrì mo wù bùʼùn wíri, a fo áwune vitaáví, á wáa yiì viŋgaʼnìn ve vinyò, ví wáa dìn ji kinyo ke áwune fiʼtì ki dzə̀ á rú.

Maak 13:22

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á fíʼ boʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Lim Aŋgàa Ntum 2:43

Aŋgàa ntum Jesuse nèn a yiì vinyo ve ghaʼtín ví, ví wáa dìn vitaáví vé Nyùy, wíri wáa yen, a ker gháʼ.

Joon 2:18

Vé wòŋe yén kinyo ke Jesus yiìn kin, e dzə̀r shó jii, «À yii kinyo kìn moo la? Ku dìn kisəəm kí fo à li vitaáví, e bó a yiì vinyo ve à yii vìn.»

Ŋwàʼ Luk 16:31

Abraham bínér shó jii, ‹Aáwune tèn fó yuurí kinyo ke Mooser wùn à ké *aŋgàa ntum Nyùy ki, bo bó yòʼ dzə̀ áwune yuùrí sá ké wìr wo wù kpuun, e bóo kfən.› »

Kintaŋ 14:11

Nyùy Tàr nèn yòŋ e Mooser jii, «Wír vìne wíy ŋway mo ben, e dù, e meé e le? Áwune wíy ten fó a way shilív e mǒ wùn, e dù, e meé e le? Aá tén bèy, a m yií ne viŋgaʼnìn ve vinyò aáwuné mvəm nyanyày.

2 Tesalonika 2:9

Wìr wo wù wíy tum Fon Vinyò ve Bi ví və̀n dzə̀ Satan, e fo vitaáví shó, é wù wáa shoʼ virom, a dìn visəəm vé vinyò vinín, e fíʼ boʼtí wíri shó.

Lim Aŋgàa Ntum 15:12

Pita fèr bèy, wìr dzə̀m nèn sə̀sín, a yuurí ji Banabar wùn Por wàá súŋnín. Áwune nèn a fèr mo áwune‑eè ghán fo wír ve bó yòʼ dzəə̀n veé Judàa, a Nyùy fó vitaáví, aá yii viŋgaʼnìn ve vinyò ve ví din vitaáví vé Nyùy.

Lim Aŋgàa Ntum 7:36

Mooser nèn dù, a yiì viŋgaʼnìn ve vinyò vinín e wòŋ Ejiv, ví wáa dìn vitaáví vé Nyùy, e bóo wìy fəə́r wír veé Isray fo fo. Wù kfə́n a yiì vímóʼ ví é Rìbà Ndzə̀v wo Baar, à vímóʼ ví sá vinín e ghan se wùn áwune‑eè ghán e kirə̀ʼ ké woʼ kí kiyá mkweè.

Lim Aŋgàa Ntum 6:8

Tefan wo vé‑eè shoʼon və̀n‑eè dzə̀ wír, a Nyùy leey fo wun e ŋàŋ, fó wun vitaáví, a wù yii vinyo ve ghaʼtín ví e wírí mvəm, a ví din vitaáví vé Nyùy.

Lim Aŋgàa Ntum 5:12

Aŋgàa ntum Jesuse wáa yiì viŋgaʼnìn ve vinyò vinín e wírí mvəm, á wáa yen vitaáví vé Nyùy. Wùn aŋgàa biimé adzə̀me kfə́n a tarnín e lav cù, a dzə̀ʼə̀m e ŋgày ye á yoŋ ji ye Solomon.

Lim Aŋgàa Ntum 4:30

Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»

Lim Aŋgàa Ntum 2:19

M wíy yiì vinyo ve ghaʼtín ví é mbàʼ, e kfə̀n dìn visəəm ve beemén ví é nsay. Mensə́ wùn à və́yí, à kindzə́ʼ ke ghaʼtín kí wíy a dzə.

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Ŋwàʼ Luk 10:18

Jesus bìnèr jii, «Dzə̀ rú, mò‑oò lo yèn, a Satan njáʼám fó yuv, e gbù e nsay moo kishèv.

Matio 27:42

«Wù‑uù ghán, luŋèr wíri, a bó yòʼ dzə̀ wù lùŋèr kfə́ kee kitú. Wun woo Fon wìr veé Isray, wù sə́ʼə́y ri lèn fo kintam, é vèr yén, e biìmé wun.

Matio 16:1

Wír veé mbìv *Farasi wùn à veé mbìv *Sadusìi nèn lò, e wìy yèn Jesus, a woóy wun, a tàʼ ji wù yii á kiŋgaʼnìn ke kinyò ke kí wáa dìn ji wù sə́ vitaáví a dzə̀ fo Nyùy.

Daniel 6:27

Wù lo, wù fə̀ə́r wír fo kinyò, e bòyìr ŋgaàŋ, a wù din visəəm, yii viŋgaʼnìn ve vinyò e yuv wùn ǎ nsay. Dzə̀ wun wo wù fəərin Daniel fo abvərə̀ʼə́ wo.»

Joon 4:49

Wìr wo kuʼùn və̀y kú a lon kfə́ lonén jii, «Taàtá, ku wìy cér fo wan wom kpú.»