Joon 4:43 - ŊWÀʼ NYÙY

⁴³ Vishiíy vee vibaà viy vi shaà, Jesus nèn tòsín, e dù e mbìv wòŋ yee Galeli.

Joon 4:43 Referans Kwoze

Ŋwàʼ woó Rom 15:8

Vèn wáa kiíy jii, Kristu‑uù wìy, e lì kitú kfə́ ji wánlè wìr veé Juda, e fíʼ dìn aáwune ji Nyùy kù yii yii kinyo ke wù kàʼàn, a wù yiì ne kíwun lèn ke wù‑uù kàʼàn atǎr ram vév vee fó mbìy sho.

Joon 4:40

Áwune wìy, e yèn wun, a lon ji wù ku dzə̀ʼtì a wùn áwune shishàr. Wù biímé, e shìíy fo vishiíy vibaà.

Matio 4:13

Yii bèy, e làa yòʼ a dzə aáwuné ntèʼ yee Naasarer. Wù dù, a dzə e Kapeenahum, e ghaa kibaŋ keé Galeli. A ntèʼ yee shooy dzə̀ é ghaa njàvìn rám Sebulun wùn à rám Navtali.

Joon 4:46

Wù kfən ghàn, e dù, e mèé e ntèʼ yee Kaana fo wù‑uù bìnèrìn mendzə́v é melùʼ e Galeli foo fèy. Wáa dzə e ghan see shooy, a wìr wo kuʼùn wùmòʼ dzə̀ é ntèʼ yee Kapeenahum, a wan və woo lumèn joy e ŋàŋ.

Joon 1:42

Andru nèn lì fə́r və, wùn wun dù, e yèn Jesus. Jesus leéy, e sùúy sho jii, «Kí yír yée dzə̀ Simon, aà dzə̀ wan wìr wo á yoŋ ji Joon. Yii bèy, aá sí wìy a yòŋ wò ji Sefar.» Jesus wáa yòŋ bèy, a Sefar dzə̀ sá ji Pita.

Joon 4:44

A wù‑uù yiì ne sùúy ji bó á yòʼ yii ghvə́m a *ŋgaà ntum Nyùy aáwuné wòŋ.