Joon 4:42 - ŊWÀʼ NYÙY

⁴² a suúy e wiíy və̀y jii, «Vèr wày shilív e Jesus wùn lèn a dzə̀ bìʼ fo vèr yuun ne kinyo kfə́ e vituʼùr vér ví, bó yòʼ dzə̀ə́ bìʼ kinyo ke à kì fèrìn e vèr cáʼcáʼ. Vèr kìíy ne lèn kijuŋ ji wìr və̀n dzə̀ wo wù wíy lùŋèr kitú ke nsay kidzə̀m.»

Joon 4:42 Referans Kwoze

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

1 Timoti 4:10

Á kinyo ke kí yii, bo vèr wáa ghìtìr, a lìm e Nyùy kinyò kitávín. Vèr lim, leey a dzə̀ fó mbìy, shiy vijuŋ ve Nyùy kàʼàn vèsən shó. Dzə̀ wun wo wù gòʼòn kàŋ mòʼón, kfə́n a dzə wun Ŋgaà Lùŋèr fo wìr msòŋ e dzə̀m, bo taaka fo ve á wayin shilív e Jesus Kristu wùné.

2 Korin 5:19

A kí dzə̀ jii, Nyùy‑iì tùm á Kristu, wù mán ajay wìr veé ndzə adzə̀m, aá fíʼ a dzə ŋkar se wun woo Nyùy, a bó wù yòʼ dzəə́ kív njò yev gheéy. Wù kfən wày sáʼka wo juŋ və̀n e věr kiwo.

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Joon 4:29

«Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Aysaya 45:22

«Éè wìr dzə̀m woó kitu ke nsay, vèn wiy, e yèn mo, é m wìy lùŋèr ven. Kù jòʼsì mo ji Nyùy, a bó wùmòʼ yòʼ kfə̀n dzə̀.

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Joon 11:17

Jesus meé fó, e yù, a Laasaror shiíy ne e sày vishiíy vikweè, a dzə̀ say ye á yii buʼ a dzə̀ é wǔn kilan.

Matio 1:21

Wù wíy dzəə́ wán lumèn, áà shu yír ji Jesus, a dzə̀ ji Ŋgaà Lùŋèr. Ku shù bèy, bìʼ fo Jesus wíy tin wír və́ fó lǒn vinyò ve bi ví ve áwune yii.»

Aysaya 52:10

Nyùy Tàr sí lo, a dìn vitaáví və́ ve ghaʼán ví, a vitúm vidzə̀m vi lo, e yen e sí yéví. Wìr dzə̀m woó vitum vidzə̀m veé kitu ke nsay lo, e yen mo Nyùy wov luŋèr wír və́.

Joon 4:41

Wíri yuúrí kinyo ke wù fiʼtì fo wùn shuù, e nèn kfə̀n a biimé aneénín, e shaà vé mbìyi,

Lim Aŋgàa Ntum 5:31

Nyùy kóʼór wun, e dzə̀ʼə̀r e wùn koy yìyí ji wáa dzə wun Taà Vitu, e kfə̀n a dzə Ŋgaà Lùŋèr. A wù yii bèy ji wír veé Israyi fíʼ bìnèr melív mev, é wù laysin vinyo vév ve bi ví.

Lim Aŋgàa Ntum 13:23

Nyùy ku nèn fò wán woo Fòn Davir və̀n ram e wír veé Israyi ji wù wíy lùŋèr áwune mo wù‑uù kàʼàn, a ŋgaàŋ dzə̀ Jesus.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.