Joon 4:39 - ŊWÀʼ NYÙY

³⁹ Mo wiíy və̀y fìʼtìn é mvə̀mlaʼ mo Jesus toʼtin vinyo ve wù‑uù rə́si yii vidzə̀m, wír veé Samaria foo fèyi nèn wày shilív e Jesus wùn anín.

Joon 4:39 Referans Kwoze

Joon 4:29

«Vèn ku wìy, e yèn wír wo wù toʼtin vinyo ve mò‑oò rə́si yii vidzə̀m. A tàm bo dzə̀ Mfə̀ə́r wo Nyùy‑iì kàʼàn.»

Joon 4:5

Wù lòo dù, e mèé e mvə̀mlaʼ yeé Samaria yìmòʼ, aá yoŋ ji Sikar, a yì dzə̀ é ghaa sum wo Jakov woo tàr à ràm yeé Isray‑iì foon e wan və woo Joosev.

Joon 11:45

Wír ve vé‑eè wìyìn ji á shám Maria vìyi yén kinyo ke Jesus mùmèn kin, ámóʼó nèn wày shilív é wùn wó anín.

Joon 4:42

a suúy e wiíy və̀y jii, «Vèr wày shilív e Jesus wùn lèn a dzə̀ bìʼ fo vèr yuun ne kinyo kfə́ e vituʼùr vér ví, bó yòʼ dzə̀ə́ bìʼ kinyo ke à kì fèrìn e vèr cáʼcáʼ. Vèr kìíy ne lèn kijuŋ ji wìr və̀n dzə̀ wo wù wíy lùŋèr kitú ke nsay kidzə̀m.»

Matio 10:5

Jesus túm áwune, e sùúy jii, «Vèn du, lóo ghan, lá vèn yòʼ a dù fo vitúm ve bó yòʼ dzəə̀n wír veé Isray vi. Lá vèn yòʼ a nəə́ sa e wír veé Samariàá ŋka.

Joon 4:8

A wù kì dzə́ fo bèy, a wón və́ lìme dú ne ji á yún a vifá ve yi fo mvə̀mlaʼ.

Joon 4:30

Wíri nèn a lòkìr, a wìy ji á yén á Jesus.

Joon 4:38

M nén a tum ven lèn ji vèn káv ri vifá ve bó vèn yòʼ‑oò lo lìm. Yì‑iì lìm wír ve səné, a vèn sí káv lèn, yú vijuŋ fo áwuné lìm.»

Joon 4:40

Áwune wìy, e yèn wun, a lon ji wù ku dzə̀ʼtì a wùn áwune shishàr. Wù biímé, e shìíy fo vishiíy vibaà.

Joon 1:37

Wón lìm Joon víyi yú bey, e nèn a dù e Jesus bàm.