Joon 4:36 - ŊWÀʼ NYÙY

³⁶ Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

Joon 4:36 Referans Kwoze

Ŋwàʼ woó Rom 1:13

Afə̀r vem, vèn wáa kiíy jii, m yii wáy e ghan sí, ghan sí ji m wiy, e ghan ven, e fíʼ bìnèr wír ámóʼó fo věn wòŋ, aá wáy shilív e Kristu wùn réŋréŋ mo m binèr sa e vitum vímóʼ ví ve bó yòʼ dzəə̀n veé Juda, kinyo ki kù jìvír.

Ŋwàʼ woó Rom 6:22

Vèn dzə́ lèn, a Nyùy tín ne ven fó vikwàn vé vinyò ve bi ví. Vèn sì akwàn a dzə̀ vé wun woo Nyùy. Séʼ won woo lèn nén a dzə wo Nyùy sə́ ven, a vèn kér liì a dzə̀ wo wìr və́, du, e nəə́ e dzə̀ʼə̀m yee là may.

Daniel 12:3

Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

1 Timoti 4:16

Kú a tiír kiwúu ké ki, a fìʼ, e kfə̀n a sayrí, fo jay nəə́ e wò kinyò ke à yéʼeyì. Kú a yiì bèy, áà nèn sə̀ kitú ké, e kfə̀n sə̀ sá wír ve á yuúri kinyo ké, é vèn áwune wìy lùŋ adzə̀m.

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Matio 19:29

A wìr màʼtì láʼ rə́, kìn lùmér sə́, kìn jemèr sə́, kìn yè wov wùn tàr wov, kìn wón və́, kìn súm sí bìʼ mo, bo ŋgaàŋ wíy a ker wír wùn à vifá vi kàŋ wií, e shaà mo ví‑iì dzəə̀n. A wù kfə̀n wíy nəə́ sa e dzə̀ʼə̀m yee là may.

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

1 Korin 9:17

A dzə̀ ji kwàʼtì mo, e bó a yiì lim rə̀n, bo m kì taʼ vilaámé. Yii bèy, a bó yòʼ‑oò sìysì mo, kù‑uù wày Nyùy wáyín e mǒ kiwo.

1 Korin 9:18

Mo kí dzəə̀n ben, bo wóom woo séʼ dzə̀ ka lèn? Kù dzə̀ shéʼrí ye m shéʼri mo m fiʼtì sáʼka Nyùy wo juŋ fíʼtin kisáŋ, e làa yòʼ a dzər kifá ke kì dzə̀ á fò e mò woo ŋgaà fìʼtì.