Joon 4:34 - ŊWÀʼ NYÙY

³⁴ Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 4:34 Referans Kwoze

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 5:30

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Ŋwàʼ Jov 23:12

M yoʼ bìn ndzə̀m é nsər ye yì fəə́ fo wun shuù. M lèm ne jí se sí fəən fo wun shuù, a sí dzə̀ fo mò é shií, e shaà viyíkìr.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 19:30

Jesus nyoóŋé, e sùúy jii, «Vinyo vém vidzə̀m vi mày ne», e nèn màʼ kitú kfə́, e shèm.

Matio 26:39

Wù nèn kòʼtí fo mbìy shishàr, e nàsì fo nsay kfə̀ə́kfəv, a bùnrì jii, «Éè Tàr wor, a fèn dzə̀ ji dzə̀ à yiì, la m yòʼ nò fó bàr ŋgeʼ fèn, à kù yiì. Yii bèy, ku yiì a dzə̀ ke koŋ wò ki, lá à yòʼ yiì ke koŋ mo.»

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 4:32

Wù sháʼnín jii, «M kér vifá ve yi, a bó vèn yòʼ kì mo ví dzəə̀n.»

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Nsùyrì Nyùy 40:8

Éè Nyùy wom, m kér shií fó a yiì kinyo ke à sìysìn. Ntir yè lum e mǒ shiliv.»

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Ŋwàʼ Luk 15:10

Vèn wáa kiíy jii, kù dzə̀ sá réŋréŋ mo nshèelav se Nyùy si shéʼri ŋgaà vinyò ve bi ví e mòʼón wo wù bìnèrìn shilív sə́.»

Lim Aŋgàa Ntum 20:35

Vinyo ve mò‑oò yii vidzə̀m vi kù‑uù din e vèn ji wìr wáa lìm e wó rəə́, e fíʼ a sə vé kitàne, a kuumé kinyo ke Tàr wòsən Jesus‑eè suuyin jii, wìr wo wù kér kishéʼrì dzə̀ wo wù jav vifá, e shaà wo wù shiy shìyìn ji á fó.»

Joon 6:33

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Matio 3:15

Jesus bìnèr jii, «Wòsò ku yiì ke kí dzəə̀n ji á yii lèn, e fíʼ yiì kinyo ke Nyùy taʼ kidzə̀m, é kí wáa dzə réŋréŋ.» Wù suúy bey, Joon nèn biìmé,

Ŋwàʼ Luk 2:49

Wù nèn bìnèr jii, «Vèn kì taʼ mo táʼan ji ka? Bó vèn yòʼ kì ji m kù kér fó a dzə e Tàr wór lav fèn à?»

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Matio 9:19

Jesus nèn lò, wùn wun wáa dù, wón və́ lìme wáa dù sa fo bàm.