Joon 4:31 - ŊWÀʼ NYÙY

³¹ A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»

Joon 4:31 Referans Kwoze

Joon 1:38

Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.

Kèʼlo 24:33

Á tiír vifá ve yi, wìr lìm və̀y suúy jii, «Bó yòʼ dzə̀ m yì kifá, a bó m tiísí ntum yem.» Laban nèn sùúy sho jii, «Tiísí ri.»

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Matio 26:25

Judar woo ŋgaà və menàŋ və̀y nèn dzə̀r sá jii, «Tàr, a dzə̀ wàa dzə mo á?» Jesus kòrìr jii, «Kù sùúy wò.»

Matio 26:49

Wùn áwune wìy, wù ku nèn shaà, e dù fo Jesus wùn, e yòŋ jii, «Tàr, m shaʼtì wò», e baàmé.

Maak 9:5

Pita nèn tùʼtìn, e sùúy e Jesus jii, «Tàr, kí bòŋ feyì mo vèsən áwune dzəə̀n fen. Ku sùúy, é vèr baʼri táv fen e taár, wúmóʼó ji wó, wúmóʼó wó Mooser, wúmóʼó wó Elija.»

Maak 11:21

Pita ku nèn kuùmé kinyo ke kí‑ii kooyin, e sùúy e Jesus jii, «Tàr, ku lèéy, e yèn. Kicí ke wò‑oo shovin kiy ki yùm ne.»

Maak 14:45

Mo wù wìyìn, e shaà, e dù fo Jesus wùn, e baàmé, e yòŋ jii, «Tàr.»

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Joon 4:30

Wíri nèn a lòkìr, a wìy ji á yén á Jesus.

Joon 4:32

Wù sháʼnín jii, «M kér vifá ve yi, a bó vèn yòʼ kì mo ví dzəə̀n.»

Joon 6:25

Á dù, e yèn é ndzən və̀sə, e ŋgèém jii, «Ŋgaà Yèʼey, à kì wìy ké fèn e ghàn ka?»

Joon 9:2

Wón və́ lìme nèn dzə̀r shó jii, «Ŋgaà Yèʼey, lǒn wìr və̀ne dzə̀ a dzə̀ e wùn kiwo mo wú lò fo tàr wov wùn yè wov á?»

Joon 11:8

Á nèn yòŋ jii, «Ŋgaà Yèʼey, mo wír veé Judàa kù‑uu taʼ ji á yúyrí wò e yooné yooné fen, à wáa suúy ji à kfə́n fo lèn e le?»